கடம்பவனேஸ்வரர் கோவிலில் மாசிமக விழா: முகூர்த்த கால் நடும் விழா

குளித்தலை: குளித்தலை, கடம்பவனேஸ்வரர் கோவில் மாசிமக பெருந்திருவிழாவை முன்னிட்டு, நேற்று முன்தினம் காலை, 9:00 மணியளவில் கோவிலில் முகூர்த்த கால் நடும் விழா நடந்தது. தொடர்ந்து ஒவ்வொரு நாளும் இரவு, சுவாமி அலங்கரிக்கப்பட்டு திருவீதி உலா நடைபெறும். வரும், 19ல் காலை, 10:30 மணிக்கு திருத்தேர் வடம் பிடித்தல் நிகழ்ச்சி நடக்கிறது. நிறைவு நாளான, 23ல், முற்றிலா முலையம்மை கடம்பவநாதருக்கு பிராயசித்த அபிஷேக ஆராதனை நடக்கிறது. ஏற்பாடுகளை, கோவில் செயல்அலுவலர் வேல்முருகன், உதவி ஆணையர் சூரிய நாராயணன் ஆகியோர் செய்து வருகின்றனர்.