ரியாத்தில் ரியா கோப்பை-25, இளைஞர் கால்பந்துப் போட்டி
ரியாத்தில் ரியா கோப்பை-25, இளைஞர் கால்பந்துப் போட்டி சிறப்பாக நடைபெற்றது.
ரியாத் இந்திய சங்கம் (RIA) தனது 25ஆம் ஆண்டு நிறைவையொட்டி, யூத் புட்பால் அகாடமியுடன் இணைந்து “ரியா கோப்பை-25” என்ற இளைஞர் கால்பந்துப் போட்டியை ரியாத்தில் சிறப்பாக நடத்தியது. அக்டோபர் 24 மற்றும் 31 தேதிகளில் நடைபெற்ற இந்தப் போட்டி, சவுதி அரேபியாவின் பல்வேறு பிரதேசங்களில் இருந்து பங்கேற்ற இளம் திறமைகளை ஒன்றிணைத்த விளையாட்டு விழாவாக அமைந்தது.
போட்டியின் முக்கிய நோக்கம் இளைஞர்களிடையே விளையாட்டு உற்சாகம், ஒற்றுமை மற்றும் நட்புறவை வளர்ப்பதாகும். பல்வேறு வயது பிரிவுகளில் சிறந்த அணிகள் தங்கள் திறமைகளை வெளிப்படுத்தின.
போட்டியின் முடிவுகள்:
U14 பிரிவு இறுதிப் போட்டி:சிலோன் புட்பால் அகாடமி (CFA), ரியாத் சாக்கர் அகாடமி (RSA) அணியை 3-1 என்ற கோல் வித்தியாசத்தில் வீழ்த்தி சாம்பியன் பட்டத்தை கைப்பற்றியது.
U19 பிரிவு இறுதி:யூத் ஸ்போர்ட்ஸ் அகாடமி (YSA) - ரியாத் அணி, யுனைடெட் ஸ்போர்டிங் ஜெட்டா (USJ) அணியை 5-1 என்ற கோல் கணக்கில் தோற்கடித்து வெற்றி பெற்றது.
தனிப்பட்ட விருதுகள் பெற்றவர்கள்:
அதிக கோல்கள் (U19): தாஷின் - YSAஅதிக கோல்கள் (U14): அஜ்மல் - CFA
சிறந்த கோல்கீப்பர் (U14): ஷஹசன் - RSAசிறந்த கோல்கீப்பர் (U19): ஷஹாப் - USJ
சிறந்த டிபெண்டர் (U14): யெஹ்யா - CFAசிறந்த டிபெண்டர் (U19): சலீம் - YSA
தலைவர் உம்மர் குட்டி, செயலாளர் அருண் குமரன், பொருளாளர் நிகில் மோகன், குழு உறுப்பினர்கள் ஜூபின் பால், சினில் சுகதன், மகேஷ் முரளிதரன், ஹபீப், சந்தீப், ஜோசப் அரக்கல், எசாக்கி, க்ளீடஸ், நிஜாம், அருள் நடராஜன், பீட்டர், மற்றும் டாக்டர் பொன்முருகன் ஆகியோர் சிறப்பாக ஒருங்கிணைத்து நிகழ்வை வெற்றிகரமாக நிறைவேற்றினர்.
போட்டிக்கு ஆதரவு வழங்கிய நிறுவனங்கள் & ஸ்பான்சர்கள் கௌரவிக்கப்பட்டனர்:யுனிவர்சல் இன்ஸ்பெக்ஷன் கோ., அல் பாப்டைன், யூபிசி, அல் ஹாடா கான்ட்ராக்டிங் கோ., கல்ஃப் கேட்டரிங், நூரா கார்கோ, அல் சைதா டிரேடிங் கோ., விஸ்தாரா, மற்றும் அரப்கோ.கிராண்ட் லக்கி கௌரவிக்கப்பட்டனர்.
பரிசளிப்பு விழாவில், ரியா செயலாளர் அருண் குமரன் பங்கேற்பாளர்களை வரவேற்றார்.பஷீர் செலம்ப்ரா (தலைவர், ரியாத் இந்திய புட்பால் சங்கம்),யூசுப் (உரிமையாளர், கிராண்ட் லக்கி),முகமது ஆரிஃப் (மேலாளர், யுனிவர்சல் இன்ஸ்பெக்ஷன் கோ.) ஆகியோர் சிறப்பு விருந்தினர்களாக கலந்துகொண்டு பரிசுகளை வழங்கினர்.நிகழ்ச்சி ஒருங்கிணைப்பாளர் ஜூபின் பால் நன்றி கூறினார்.
இளைஞர்களின் திறமை, உற்சாகம், ஒற்றுமை, மற்றும் விளையாட்டு ஆவலை வெளிப்படுத்திய இந்த “ரியா கோப்பை-25” போட்டி, ரியாத்தின் விளையாட்டு சமூகத்தில் புதிய உயிர் ஊட்டிய மறக்கமுடியாத நிகழ்வாக அமைந்தது.
--ரியாத்தில் இருந்து நமது செய்தியாளர் ஆரிப் அப்துல் சலாம்