கத்தரில் இயங்கி வரும் இந்திய சமூக அமைப்பான கத்தர் தமிழர் சங்கம் (QTS), 2026 ஜனவரி 16ஆம் தேதி தோஹா DPSMIS பள்ளி வளாகம் மற்றும் அரங்கில் மிகச் சிறப்பாக பொங்கல் திருவிழாவைநடத்தியது. இவ்விழாவில் 2,000-க்கும் மேற்பட்டோர் உற்சாகமாக பங்கேற்றனர். பாரம்பரிய இந்திய கிராமச் சூழலை மீட்டெடுக்கும் வகையில் விழா வடிவமைக்கப்பட்டிருந்தது அனைவரையும் கவர்ந்தது.

விழா காலையில்உறியடி, பல்லாங்குழி, கயிறு இழுத்தல், கில்லி, பம்பரம், சாக்குப் போட்டி, இசை நாற்காலிஉள்ளிட்ட பல பாரம்பரிய விளையாட்டுகளுடன் தொடங்கியது. சிறியவர்கள் முதல் பெரியவர்கள் வரை அனைத்து வயதினரும் உற்சாகமாக பங்கேற்றனர். பெண்களுக்கான கோலம் (ரங்கோலி) போட்டி விழாவுக்கு மேலும் அழகும் கலைநயமும் சேர்த்தது.

சங்க உறுப்பினர்கள் அமைத்திருந்தபாரம்பரிய சிற்றுண்டி மற்றும் உணவு அரங்குகள்பங்கேற்பாளர்களின் சிறப்பு வரவேற்பைப் பெற்றன. காலை நிகழ்ச்சியில்இந்திய தூதரகத்தின் துணைத் தலைவர் வைபவ் டண்டாலே, ICC தலைவர் மணிகண்டன், அவுட்ரீச் கத்தர் ஆலோசனை குழு தலைவர் பி.என். பாபுராஜன், மற்றும் பல சமூகத் தலைவர்கள், சிறப்பு அழைப்பாளர்கள் கலந்து கொண்டு, தமிழர் பண்பாட்டை பாதுகாத்து வளர்த்து வரும் கத்தர் தமிழர் சங்கத்தின் முயற்சிகளை பாராட்டினர்.

விழாவின் முக்கிய அம்சமாக, அனைவருக்கும் வாழை இலைகளில் பாரம்பரிய பொங்கல் மதிய உணவுவழங்கப்பட்டது. இது அறுவடைத் திருவிழாவின் விருந்தோம்பல் மற்றும் ஒன்றிணைவு உணர்வை பிரதிபலித்தது.

மதியத்திற்குப் பின்னரும் பாரம்பரிய விளையாட்டுகள் தொடர்ந்தன. மாலை வேளையில்பள்ளி அரங்கில் நடைபெற்ற பண்பாட்டு கலை நிகழ்ச்சிகள் விழாவின் உச்சக்கட்டமாக அமைந்தன. தமிழர் கலாச்சாரத்தை வெளிப்படுத்தும் நடனம், இசை மற்றும் கலை நிகழ்ச்சிகள் பார்வையாளர்களை கவர்ந்தன.

மாலை நிகழ்ச்சியின் முதன்மை விருந்தினராக இந்திய தூதர், விபுல் கலந்து கொண்டு, விழாவின் பண்பாட்டு செழுமையையும், சமூக ஒற்றுமையையும் பாராட்டினார்.

தன்வெள்ளி விழாகொண்டாட்டங்களின் ஒரு பகுதியாக, கத்தர் தமிழர் சங்கம், 25 ஆண்டுகளாக உறுப்பினராக தொடரும் நிறுவன உறுப்பினர்கள் மற்றும் முன்னாள் தலைவர்களை சிறப்பாகக் கௌரவித்தது. தமிழர் சமூகத்திற்கு அவர்கள் அளித்த நீண்டகால சேவையும் அர்ப்பணிப்பும் நினைவு கூரப்பட்டு, நினைவுப் பரிசு வழங்கப்பட்டது.

இவ்விழாவின் மற்றொரு முக்கிய நிகழ்வாக, தமிழ்நாடு அரசால் இலவசமாக வழங்கப்பட்ட தமிழ் பாடநூல்கள்,கத்தரில் பயிலும் தமிழ் மாணவர்களுக்காக வெளியிடப்பட்டன. வெளிநாடுகளில் வாழும் தமிழ்ச் சிறார்களிடையே தாய்மொழி கற்றலை வலுப்படுத்தும் நோக்கில் மேற்கொள்ளப்பட்ட இம்முயற்சி பெரிதும் பாராட்டைப் பெற்றது.

மொத்தத்தில், இப்பொங்கல் விழாதமிழர் மரபை பாதுகாத்து, சமூக பிணைப்புகளை வலுப்படுத்தும் கத்தர் தமிழர் சங்கத்தின் அர்ப்பணிப்பை வெளிப்படுத்தும் வகையில் வெற்றிகரமாக நிறைவடைந்தது.

- கத்தாரிலிருந்து நமது வாசகர் வி.நாராயணன், பொதுச்செயலாளர், கத்தார் தமிழ்ச் சங்கம்