பெண் கல்லில்...

மைசூரு - கொல்லேகால் சாலையில் 48 கி.மீ., துாரத்தில் உள்ள தலம் தலக்காடு. இங்கு வைத்தியநாத சுவாமி என்னும் பெயரில் சிவன் குடியிருக்கிறார். இங்குள்ள துவாரபாலகர் சிலை சிற்பக்கலைக்கு சவால் விடும் விதத்தில் உள்ளது. சுவாமி சன்னதியின் இடதுபுற துவாரபாலகர் 'பெண் கல்லால்' ஆனவர். ஆண், பெண் என்ற பாகுபாடு கல்லுக்கும் உண்டு. இந்த துவாரபாலகரின் மார்பு, வயிறை மட்டும் பார்த்தால் பசுவின் முகம் போல இருக்கும். குச்சியால் தட்டி ஒலி எழுப்பினால் பெண் கல்லுக்குரிய நாதம் கேட்கும். இதை செதுக்கியவர் சிற்பி நாக குண்டல ஆச்சாரி.