டெக்னிக்கல் அனாலிசிஸ் : 24,150 வலிமையான சப்போர்ட்டாக உருவெடுக்கிறது
நிப்டி இறக்கத்தில் ஆரம்பித்து உடனடியாக ஏற்றம் கண்டு பின்னர் நாள் முழுவதும் தொடர் ஏற்றத்துடன் நடைபெற்ற நிப்டி நாளின் இறுதியில் 156 புள்ளிகள் ஏற்றத்துடன் நிறைவடைந்தது. 16 பரந்த சந்தை குறியீடுகளும் ஏற்றத்துடன் நிறைவடைந்தன. இவற்றில் நிப்டி100 குறியீடு குறைந்தபட்சமாக 0.79 சதவீத ஏற்றத்துடனும், நிப்டி ஸ்மால்கேப் 50 குறியீடு அதிகபட்சமாக 1.64 சதவீத ஏற்றத்துடனும் நிறைவடைந்தன. 19 துறை சார்ந்த குறியீடுகளில் 18 குறியீடுகள் ஏற்றத்துடனும் ஒரு குறியீடு இறக்கத்துடனும் நிறைவடைந்தன. இவற்றில் நிப்டி ஐ.டி., குறியீடு 0.02 சதவீத இறக்கத்துடனும், நிப்டி எப்.எம்.சி.ஜி., குறியீடு அதிகபட்சமாக 2.65 சதவீத ஏற்றத்துடனும் நிறைவடைந்தன.