டெக்னிக்கல் அனாலிசிஸ்: 26,150-க்கு மேல் இருக்கும் வரை அதிக இறக்கத்துக்கு வாய்ப்பில்லை

நாள் முழுவதுமே பெரிய மாற்றங்கள் ஏதும் இல்லாமல் நடந்த நிப்டி, நாளின் இறுதியில் 4 புள்ளிகள் ஏற்றத்துடன் நிறைவடைந்தது. பரந்த சந்தை குறியீடுகள் 16-ல் 14 ஏற்றத்துடனும்; 1 மாற்றம் ஏதுமின்றியும்; 1 இறக்கத்துடனும் நிறைவடைந்தன. இவற்றில் 'நிப்டி ஸ்மால்கேப் 250' குறியீடு அதிகபட்சமாக 0.42 சதவிகித ஏற்றத்துடனும்; நிப்டி எப்.பி.ஐ., 150 குறியீடு குறைந்தபட்சமாக 0.03 சதவிகித ஏற்றத்துடனும் நிறைவடைந்தது. நிப்டி 'மிட்கேப்50' குறியீடு 0.05% இறக்கத்துடன் நிறைவடைந்தது. 19 துறை சார்ந்த குறியீடுகளில், 8 குறியீடுகள் ஏற்றத்துடனும்; 11 குறியீடுகள் இறக்கத்துடனும் நிறைவடைந்தன. இவற்றில் 'நிப்டி மீடியா' குறியீடு அதிகபட்சமாக 0.80 சதவிகித ஏற்றத்துடனும்; நிப்டி ஐ.டி., குறியீடு 0.80 சதவிகித இறக்கத்துடனும் நிறைவடைந்தன.