மழை அடிப்படையில் விவசாய கொள்கை சொட்டுநீர் பாசனத்திற்கு ரூ.440 கோடி

 கர்நாடகாவின் சிறிய, மிகச்சிறிய விவசாயிகளுக்கு விவசாயத்தை லாபகரமாக்க 'சம்ருத்தி' திட்டம் மாநிலத்தில் 2025 - 26ல் விவசாய உபகரணங்கள் வாங்க, விவசாயிகளுக்கு உதவித்தொகை வழங்க 428 கோடி ரூபாய் ஒதுக்கீடு மழையை நம்பியுள்ள பகுதிகளில், விவசாய உற்பத்தியை அதிகரிக்க, 1.81 லட்சம் விவசாயிகளுக்கு சொட்டு நீர்ப்பாசன வசதி செய்ய 440 கோடி ரூபாய் துவரம் பருப்பு விளைச்சலை அதிகரிக்க, புதிய தொழில்நுட்பம். இதன் மூலம் துவரம் பருப்பு உற்பத்தியில், கர்நாடகா நாட்டின் முதலிடத்துக்கு கொண்டு வரப்படும். இதன் மூலம் விவசாயிகளின் வருவாயை பெருக்க 88 கோடி ரூபாய் ஒதுக்கீடு மாநிலத்தில் 6,000 சிறிய உணவு தானியங்கள் பதப்படுத்தும் மையங்கள், 14 சாதாரண இன்குபேஷன் மையங்கள்; நடப்பாண்டு 5,000 சிறிய உணவு தானியங்கள் பதப்படுத்தும் மையங்கள் அமைக்கப்படும் 'விவசாய பாக்யா' திட்டத்தின் கீழ், 3 லட்சத்துக்கும் மேற்பட்ட விவசாய குளங்கள் அமைத்து, மழையை நம்பியுள்ள விவசாய நிலங்களுக்கு நீர்ப்பாசன வசதி. இத்திட்டத்தின் கீழ், நடப்பாண்டு 12,000 விவசாய குளங்கள் அமைக்கப்படும் டிஜிட்டல், ஏ.ஐ., உட்பட மற்ற தொழில்நுட்பங்களை விவசாயத்துக்கு பயன்படுத்த, 'டிஜிட்டல் விவசாய சேவைகள் மையம்' அமைக்கப்படும். இந்த மையம், விளைச்சலை அதிகரிப்பது குறித்து, விவசாயிகளுக்கு ஆலோசனை கூறும் வானிலை மாற்றங்கள், இயற்கை சீற்றங்கள் குறித்து முன் கூட்டியே விவசாயிகளுக்கு தகவல் கூறும் வகையில் வல்லுனர்கள் கமிட்டி அமைக்கப்படும் கர்நாடகாவின் விவசாய பகுதிகளில் மழையை நம்பியுள்ள 64 சதவீதம் பகுதிகளில் சாகுபடியை அதிகமாக்க, 'மழை அடிப்படையிலான விவசாய கொள்கை' வகுக்கப்படும் இயற்கை விவசாயத்தை ஊக்கப்படுத்த, உத்தரகன்னடாவின் ஜோய்டா தாலுகா, மாநிலத்தின் முதல் இயற்கை விவசாய பகுதியாக மாற்றப்படும். இயற்கை விவசாயம் செய்து சாகுபடி செய்யும் உற்பத்திகளுக்கு, மார்க்கெட்டிங் வசதி செய்யப்படும் பெலகாவி, பாகல்கோட், விஜயபுரா, கலபுரகி, மாண்டியா மாவட்டங்களின் 7413.161 ஏக்கர் பகுதிகளில் மண் மற்றும் தண்ணீர் வளத்தை அதிகரிக்க, சர்க்கரை ஆலைகளுடன் ஒருங்கிணைந்து திட்டம் வகுக்கப்படும் விவசாய தொடர்பு மையங்கள் மூலமாக, விவசாய உபகரணங்கள், குறைந்த விலையில் விற்பனை செய்யப்படும் உலக வங்கி உதவியுடன், இதுவரை 31 லட்சம் ஏக்கர் பகுதிகளில் நிலம், மண், இயற்கை வளங்கள் குறித்து ஆய்வு நடத்தப்பட்டது. நடப்பாண்டு 2 லட்சம் ஏக்கர் பகுதிகளில் ஆய்வு நடத்தப்படும். நிலத்தையும், இயற்கை வளங்களையும் ஆய்வு செய்து, அதற்கு தகுந்தார் போன்று விளைச்சல் பயிரிடவும், தேவையான ரசாயன உரங்கள், ஊட்டச்சத்துகளை பயன்படுத்தி, சாகுபடியை அதிகரிக்க விவசாயிகளுக்கு ஊக்கம் அளிக்கப்படும் மாண்டியாவில் விவசாய பல்கலைக்கழகம் அமைக்க, 25 கோடி ரூபாய் நிதி வழங்கி, நடப்பாண்டில் இருந்தே வகுப்புகள் துவக்கப்படும் சிறு தானியங்களை விளைவிக்கும் விவசாயிகளுக்கு, மார்க்கெட்டிங் வசதி செய்யும் நோக்கில், 20 கோடி ரூபாய் செலவில், 'இயற்கை மற்றும் சிறுதானியங்கள் ஹப்' அமைக்கப்படும் பெலகாவியின் அதானி தாலுகாவில் புதிய விவசாய கல்லுாரி அமைப்பது குறித்து, வல்லுனர்களிடம் அறிக்கை கோரப்படும்.இவ்வாறு பட்ஜெட்டில் தெரிவிக்கப்பட்டுள்ளது.