அதிக வரி செலுத்தும் பிரபலங்கள் பட்டியலில் விஜய்க்கு 2வது இடம்
மும்பை, பிரபலங்களில் அதிக வரி செலுத்தியோர் பட்டியலில், நடிகர் ஷாருக் கான், 92 கோடி ரூபாயுடன் முதலிடத்தில் உள்ளார். தமிழ் நடிகர் விஜய், 80 கோடி ரூபாயுடன் பட்டியலில் இரண்டாவது இடத்தில் உள்ளார்.பார்ச்சூன் இந்தியா என்ற அமைப்பு, 2023 - 2024 நிதியாண்டில் அதிக வருமான வரி செலுத்திய பிரபலங்களின் பட்டியலை வெளியிட்டுள்ளது. திரைப்பட நடிகர்கள், கிரிக்கெட் வீரர்கள் உள்ளிட்டோர் இதில் இடம்பெற்றுள்ளனர்.இந்த பட்டியலில், பிரபல பாலிவுட் நடிகர் ஷாருக் கான், 92 கோடி ரூபாய் வரி செலுத்தி முதலிடத்தில் உள்ளார். தமிழ் நடிகர் விஜய், 80 கோடி ரூபாயுடன் இரண்டாவது இடத்தில் உள்ளார்.நடிகர்கள் சல்மான் கான், 75 கோடி ரூபாய், அமிதாப் பச்சன், 71 கோடி ரூபாய், அஜய் தேவ்கன், 42 கோடி ரூபாய், ரன்பீர் கபூர், 36 கோடி ரூபாய், ஹ்ரித்திக் ரோஷன், 28 கோடி ரூபாய் செலுத்திஉள்ளனர்.நடிகர் கபில் சர்மா, 26 கோடி ரூபாய், நடிகை கரீனா கபூர், 20 கோடி ரூபாய், நடிகர் ஷாஹித் கபூர், 14 கோடி ரூபாய் வரி செலுத்தியுள்ளனர். மலையாள நடிகர் மோகன் லால் மற்றும் தெலுங்கு நடிகர் அல்லு அர்ஜுன் தலா, 14 கோடி ரூபாய் செலுத்திஉள்ளனர்.பிரபல இந்திய கிரிக்கெட் அணி வீரர் விராட் கோலி, 66 கோடி ரூபாய் வரி செலுத்தியுள்ளார். முன்னாள் வீரர்களான மகேந்திர சிங் தோனி, 38 கோடி ரூபாய், சச்சின் டெண்டுல்கர், 28 கோடி ரூபாய், சவுரவ் கங்குலி, 23 கோடி ரூபாய் செலுத்தியுள்ளனர்.