உள்ளூர் செய்திகள்

/ செய்திகள் / இந்தியா / 51 வயதில் செய்த குற்றத்துக்கு 84 வயதில் கிடைத்தது தண்டனை

51 வயதில் செய்த குற்றத்துக்கு 84 வயதில் கிடைத்தது தண்டனை

வாசிக்க நேரம் இல்லையா? செய்தியைக் கேளுங்கள்

Your browser doesn’t support HTML5 audio

நமது நிருபர்

பீஹாரில், 33 ஆண்டுகளுக்கு முன் நடந்த வன்முறை சம்பவத்தில் குற்றஞ்சாட்டப்பட்ட ஐந்து பேரில், எஞ்சியிருக்கும் 84 வயது முதியவர் குற்றவாளி என உள்ளூர் நீதிமன்றம் தீர்ப்பளித்துள்ளது. தண்டிக்கப்பட்ட நபர், தள்ளாடும் வயதில் குற்றவாளி என தீர்ப்பளிக்கப்பட்டது விவாதப் பொருளாகி உள்ளது.பீஹாரின் வைஷாலி மாவட்டத்தில் உள்ள ஜூதாவன்பூர் பகுதியைச் சேர்ந்த அடாலத் ராய், கடந்த 1992ம் ஆண்டு மே 10ம் தேதி அங்குள்ள போலீஸ் நிலையத்தில் புகார் அளித்தார். அதில், 'ஒரே குடும்பத்தைச் சேர்ந்த ஐந்து பேர், எங்கள் வீட்டுக்குள் பயங்கர ஆயுதங்களுடன் நுழைந்து தாக்கினர். துப்பாக்கிச்சூடும் நடத்தினர்' என, குறிப்பிட்டிருந்தார்.https://static.vidgyor.com/player/vod/html/indexv2.html?videoId=tmz3n4r7&cmsAccountId=6253e2117f4d5c0009c78ed4&masterProfileId=64f573f4fbdd700008119b10&pip=1&autoplay=0இதன்படி போலீசார் வழக்குப்பதிவு செய்து விசாரணை நடத்திய நிலையில், 1993ம் ஆண்டில் குற்றப்பத்திரிகை தாக்கல் செய்தது. இதுதொடர்பான வழக்கு விசாரணை அங்குள்ள கூடுதல் மாவட்ட நீதிமன்றத்தில் நடைபெற்று வந்தது. இந்த வழக்கில் குற்றஞ்சாட்டப்பட்ட ஐந்து பேரில், நான்கு பேர் உயிரிழந்து விட்டனர்.இதில், தீப் ராய் மட்டுமே விசாரணையின் போது நீதிமன்றத்தில் தொடர்ந்து ஆஜராகி வந்தார். 30 ஆண்டுகளுக்கும் மேலாக நடந்து வந்த வழக்கில் நேற்று கூடுதல் மாவட்ட அமர்வு நீதிபதி மனோஜ் குமார் திவாரி, தீப் ராய் மீது குற்றச்சாட்டுகள் நிரூபிக்கப்பட்டதாக கூறி அவரை குற்றவாளி என தீர்ப்பளித்தார். அவருக்கான தண்டனை விபரங்கள் இன்று அறிவிக்கப்பட உள்ளது.இந்த வழக்கில் குற்றஞ்சாட்டப்பட்ட போது, தீப் ராயின் வயது 51. தற்போது, 84. வயோதிகம் காரணமாக, மற்றவர் துணையின்றி அவரால் நடக்கக்கூட முடியவில்லை. சாதாரண வன்முறை வழக்கில் தீர்ப்பு வழங்க, 33 ஆண்டுகள் ஆனது குறித்து பல்வேறு தரப்பினரும் கேள்வி எழுப்பி வருகின்றனர்.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 26 )

C.SRIRAM
ஜூன் 06, 2026 22:54

கேவலமான நீதி பரிபாலனத்தின் லட்சணம் . நீதித்துறை வெட்கி தலைகுனியவேண்டிய நேரமிது


Natchimuthu Chithiraisamy
ஜூன் 03, 2026 13:53

இது போல் தான் அணைத்து வழக்குகளும். இந்த பெரியவர் வெளிநாட்டுக்கு தப்பி ஓடிவிட கூடும் என்கிற காரணத்தினால் நீதிபதி தண்டனை கொடுத்துள்ளார். ஆதாரம் கிடைக்க நாள்கள் ஆகிவிட்டது. மேலும் பல வழக்குகளுக்கு வாய்த்த கொடுக்க வேண்டியுள்ளது அதாவது வேறு தேதிக்கு மாற்ற வேண்டியள்ளது இதுவே கால தாமததிதிக்கு காரணம் என நீதி பதி சொல்லலாம்.


Dv Nanru
ஜூன் 03, 2026 09:34

இவ்வளவு வேகமாக நீதித்துறை செயல்படக் கூடாது. என்ன கேட்டால், நீதித்துறையை இழுத்து மூடிவிடலாம் வழக்குகள் என்றால், ஒரு மாதம், இரண்டு மாதம் இல்ல, ஓர் ஆண்டுக்குள் முடிய வேண்டும். ஆனால் இப்பொழுது முப்பது ஆண்டு நாற்பது ஆண்டு காலம் கடத்துவது எதனால்? அதுவும் இந்த வயோதிக வயதில் அவர் அவருக்குத் தண்டனை வழங்கலாமா? நீதிபதி சற்று யோசிக்கவும் தண்டனை வழங்குவதற்கு முன்பு, உண்மையிலேயே சொல்லப்போனால், தண்டனையை நீதிபதிக்குத் தான் வழங்க வேண்டும் குற்றவாளிக்கு அல்ல அவருக்குத் தண்டனை அளிப்பது நியாயமா? உண்மையிலேயே, தண்டனை அளிக்க வேண்டியது அந்த நீதிபதிக்குத் தான் குற்றவாளிக்கு அல்ல..


பேசும் தமிழன்
ஜூன் 03, 2026 08:36

குற்றம் சாட்டப்பட்ட நபர் இறந்து விடுவார்.... ஆனால் வழக்கு மட்டும் முடியவே முடியாது..... முதலில் தண்டனை சட்டத்தை மாற்றுங்கள்.... எந்தவொரு வழக்கிற்கும் ஒரு காலக்கெடு விதிக்க வேண்டும்.


karupanasamy
ஜூன் 03, 2026 07:32

மெத்து உற்பத்தி நிறுவன இயக்குனர் அமீர் சட்ட ஓட்டைகளின் சந்து பொந்துகளில் பதுங்கி சிறுபான்மை இசுலாமிய அடையாளத்தால் திமிருடன் இந்துக்களின் நம்பிக்கையைகொச்சை படுத்துகிறார் அவரை தண்டிக்க வழி இருக்கிறதா???


Vasan
ஜூன் 03, 2026 07:16

வழக்கு நீர்த்து போகாமல், 33 வருடங்கள் தொடர்ந்து வழக்கை நடத்தி, குற்றவாளிக்கு தண்டனைக்கான தீர்ப்பு வழங்கி, நீதியை நிலை நாட்டிய நீதித்துறைக்கு மனமார்ந்த பாராட்டுக்கள். நீதி வெல்லும், கால தாமதம் ஆனாலும் நீதி வெல்லும்.


அப்பாவி
ஜூன் 03, 2026 07:02

யாரங்கே நாலு மெடல் கொண்டா..


Seekayyes
ஜூன் 03, 2026 04:59

காலம் தாழ்ந்து அவரை குற்றவாளி என்று முடிவு செய்த நீதிபதி, கால தாமதம் நீதிதுறையால்தான் என்றும், excessive justice delayed என்ற கோட்பாடின் கீழ் அந்த குற்றவாளி முதியவரை உடனே விடுதலை செய்ய வேண்டும். தன் தீர்ப்பில் ஏன் விடுதலை என்ற காரணத்தையும் அம்பல படுத்த வேண்டும்.


Modisha
ஜூன் 03, 2026 04:32

இப்போது ஸ்டாலின் வயது என்ன . எப்போது நல்ல செய்தி வரும் .


Senthoora
ஜூன் 03, 2026 06:56

எதுக்கு முழங்காலுக்கும், தலைக்கும் முடிச்சு, செய்த குற்றத்துக்கு அவருக்கு தண்டனை கொடுக்கப்பட்டதா.


Kasimani Baskaran
ஜூன் 03, 2026 04:16

நீதித்துறையின் யோக்கியதையை பறைசாற்ற இந்த ஒத்தை வழக்கே போதும்


புதிய வீடியோ