உள்ளூர் செய்திகள்

/ செய்திகள் / இந்தியா /  எத்தனால் வினியோகம் 800 கோடி லிட்டரை கடந்தது

 எத்தனால் வினியோகம் 800 கோடி லிட்டரை கடந்தது

புதுடில்லி: நம் நாட்டின் ஒட்டுமொத்த எத்தனால் வினியோகம், 2025 - 26 எத்தனால் வினியோக ஆண்டில், 800 கோடி லிட்டரை தாண்டியுள்ளது. இது குறித்து, ஏ.ஐ.டி.ஏ., எனப்படும் அனைத்து அகி ல இந்திய வடிகட்டுதல் நிறுவனங்கள் சங்கம் வெளியிட்டுள்ள புள்ளிவிபரங்கள் தெரிவிப்பதாவது: நடப்பு எத்தனால் வினியோக ஆண்டில், இதுவரை 800 கோடி லிட்டருக்கும் மேல் எத்தனால் வினியோகிக்கப்பட்டுள்ளது. கடந்த ஜூலை மாதத்தில் மட்டும், 93 கோடி லிட்டர் எத்தனால் வினியோகிக்கப்பட்டது. ஜூலையில் தானிய அடிப்படையி லான மூலப்பொருட்களில் இருந்து தயாரிக்கப்பட்ட, 71 கோடி லிட்டர் எத்தனால் வினியோகிக்கப்பட்டது. கடந்த ஜூன் மாதம் மொத்தம் வினியோகிக்கப்பட்ட 103 கோடி லிட்டர் எத்தனாலில், தானிய அடிப்படையிலான எத்தனால், 75 கோடி லிட்டராக இருந்தது. அந்த வகையில், மொத்த வினியோகத்தில் தானிய அடிப்படையிலான எத்தனாலின் பங்கு, ஜூன் மாதத்தின் 73 சதவீதத்தில் இருந்து ஜூலையில், 76 சதவீதமாக உயர்ந்துள்ளது.ஜூலை மாதத்தில் தானிய அடிப்படையிலான எத்தனால் உற்பத்தியில் மக்காச்சோளம் மற்றும் இந்திய உணவு கழகத்தின் உபரி தானியங்கள் தலா 30 கோடி லிட்டர் அளவுக்கு பங்களித்துள்ளன. இவ்வாறு அந்த புள்ளிவிபரங்கள் தெரிவிக்கின்றன. நடப்பு எத்தனால் ஆண்டின் வினியோகம், 800 கோடி லிட்டர் என்ற அளவை எட்டியது, நாட்டின் எத்தனால் திட்டத்தின் முக்கிய மைல்கல். தானிய அடிப்படையிலான எத்தனால் வினியோகத்தின் பங்கு, ஒரே மாதத்தில், 73 சதவீதத்தில் இருந்து 76 சதவீதமாக உயர்ந்திருப்பதும் குறிப்பிடத்தக்க முன்னேற்றம். தற்போது உருவாக்கப்பட்டுள்ள உற்பத்தி திறனை முழுமையாக பயன்படுத்த, அதிக எத்தனால் கலப்பு, ப்ளெக்ஸ்-பியூயல் வாகனங்கள் மற்றும் எத்தனால் பயன்பாடு அதிகரிப்பு வாயிலாக இதை சாதிக்க முடியும். - பாரதி பாலாஜி, ஏ.ஐ.டி.ஏ., துணை தலைமை இயக்குநர்.சேதமடைந்த உணவு தானியங்கள் வாயிலாக 11 கோடி லிட்டர் எத்தனால் கிடைத்துள்ளது. கரும்பு மூலப்பொருட்களில் இருந்து ஜூலையில், 22 கோடி லிட்டர் எத்தனால் வினியோகிக்கப் பட்டது. இது ஜூன் மாதத்தின் 28 கோடி லிட்டரை விட குறைவு.


தினமலர் சேனல்களுக்கு SUBSCRIBE செய்யுங்கள் !

வாசகர்கள் கருத்துகள் ( 10 )

Mahendran Puru
ஆக 13, 2026 18:09

எப்படியோ கலப்பட கணக்கு எவ்வளவு என்று இந்த செய்தி சொல்கிறது. ஓட்டை ஒடசல் ரோட்டு மந்திரி சம்பாதித்த கணக்கும் வந்து விட்டது. இதற்கும் குருட்டு பக்தர்கள் சாம்பிராணி போட வந்து விட்டார்கள் என்பதும் தெரிந்து விட்டது.


இளந்திரையன் வேலந்தாவளம்
ஆக 13, 2026 11:39

எத்தனால் கலப்பால் இழப்பு அரேபிய நாடுகளுக்கு இழப்பு ஏற்படுகிறது.ஆகவே இங்கே உள்ள கைக்கூலிகள் மூலமாக போராட்டம் நடத்த முயற்சிபதை முளையிலேயே கிள்ளி எறியவேண்டும். கரப்பான் போராட்டம் போல் வளரவிடக்கூடாது


நக்கீரன் (நெற்றிக்கண் திறப்பினும் குற்றம் குற்றமே)
ஆக 13, 2026 09:02

எப்படியோ எத்தனாலை பெட்ரோலுடன் கலந்து இந்தியாவில் உள்ள கோடிக்கணக்கான வாகனங்களை சோலி முடித்தாகிவிட்டது. வாகனங்கள் பழுதானால் அதன் சொந்தக்காரர்கள் பார்த்துக்கொள்ளப்போகிறார்கள். அதை சரி செய்ய அவர்கள் செலவு செய்யப்போகிறார்கள். அதனால் அரசுக்கு என்ன பிரச்னை? முதலில் 20 சதவீதம் எத்தனாலை கலப்பதற்கு யாரிடம் அனுமதி வாங்கினார்கள்? உபயோகிக்கும் மக்களிடம் அனுமதி பெற்றார்களா? குறைந்தபட்சம் நாடு முழு வெளிப்படையான முன்னறிவிப்பை வெளியிட்டார்களா? எதுவும் இல்லை. இன்றைக்கு மோடிஜியின் அரசாங்கம் ஒரு தான்தோன்றி தனமான அரசாக உள்ளது. திமிரில் ஆடிய காங்கிரஸ் கட்சியை மக்கள் வீட்டுக்கு அனுப்பினார்கள். மோடி என்ற பிம்பத்தை வைத்துக்கொண்டு ஆடும் பிஜேபி அதன் வழியே செல்ல முயல்கிறது.


Rangarajan Cv
ஆக 13, 2026 11:14

Is there any technical data on failure of vehicles or hearsay?


நக்கீரன் (நெற்றிக்கண் திறப்பினும் குற்றம் குற்றமே)
ஆக 14, 2026 10:01

Yes. You can google it and find more ... Negative Effects 1. Slight reduction in mileage Ethanol contains less energy than petrol. Many users report around 3–5% lower fuel economy, though actual mileage depends on driving style and vehicle condition. 2. Older vehicles may be more affected Vehicles manufactured before April 2023 were generally certified for E10 fuel. Some older vehicles may experience reduced mileage, harder cold starts, or increased wear of certain fuel-tem components over long periods. Compatibility varies by model. 3. Fuel tem concerns Ethanol absorbs moisture more easily than petrol. In older vehicles, prolonged use can potentially affect rubber hoses, seals, and fuel-tem components if they were not designed for higher ethanol blends. Manufacturers and government studies, however, report no widespread evidence of abnormal damage under normal use.


ديفيد رافائيل
ஆக 13, 2026 07:28

Ethanal mix பண்றப்ப எதுக்காக petrol price குறைய மாட்டேங்குது


gopi
ஆக 13, 2026 13:52

ethanol கலக்காத petrol 150 ரூபாய்..வாங்க ரெடியா


Balan Palaniappan
ஆக 15, 2026 17:25

ரவி பீப்பாய் 120 டாலர் விற்றபோது கூட 70 ரூபாய் தான் பெட்ரோல் விலை ஆனால் இன்று 150 ரூபாய் எங்கோ கணக்கு ஏதோ உதைக்கின்றதே


Duruvesan, தர்மபுரி பாட்டாளி
ஆக 13, 2026 06:41

எண்ணெய் வள நாடுகளின் ஆதாரவுடன் ஒரு கும்பல் ஆடிய ஆட்டம் வீணாகும் போல இருக்கு


Kasimani Baskaran
ஆக 13, 2026 03:36

பலர் நினைத்தது கரும்பில் இருந்ததான் அதிகப்படியாக எத்தனால் எடுப்பார்கள் என்று - ஆனால் உண்மை வேறு விதமாக இருக்கிறது. வீணாகும் தானியத்தில் இருந்தும் மக்காச்சோளத்தில் இருந்தும் பெரும்பகுதி எடுக்கப்படுவது சிறப்பு. அதே சமயம் தமிழகம் போன்ற மாநிலங்களில் இருந்து அனுப்பப்படும் ரேஷன் அரிசி போன்றவை கூட இனி பயன்பாட்டுக்கு வந்து விடும். சாராயம் ஆலைகளுக்கு போதுமான எத்தனால் கிடைக்கவில்லை என்றால் சாராய உற்பத்திச்செலவு அதிகரிக்கும். டாஸ்மாக் கொள்ளையில் அளவு அதிகரிக்குமா என்பது மில்லியன் டாலர் கேள்வி.


அதிகம் விமர்ச்சிக்கப்பட்டவை