தமிழக ஹாக்கி அணிக்கு மதுரை மாணவர்கள் தேர்வு
வாடிப்பட்டி: கோவில்பட்டி ஹாக்கி யூனிட் ஆப் தமிழ்நாடு சார்பாக 16 வயதுக்குட்பட்ட சப்ஜூனியர் பிரிவு ஹாக்கி போட்டி நடந்தது. மதுரை பாண்டியராஜபுரம் அரசு பள்ளி மாணவர்கள் கலந்து கொண்டனர். இதில் பிளஸ் 1 மாணவர் யோகேஸ்வரன், 10ம் வகுப்பு மாணவர் கவியரசன் ஆகியோர் தேர்வு செய்யப்பட்டனர். தமிழக அணி சார்பாக அடுத்த வாரம் மணிப்பூரில் நடக்கும் போட்டிகளில் பங்கேற்கின்றனர். அவர்களையும், பயிற்சியளித்த உடற்கல்வி ஆசிரியர் ராஜாவையும் தலைமைஆசிரியை கலைச்செல்வி மற்றும் ஆசிரியர்கள் எவர்கிரேட், ஹாக்கி கிளப் நிர்வாகிகள் ராமானுஜம், ராஜூ, சிதம்பரம் ஆகியோர் பாராட்டினர்