உள்ளூர் செய்திகள்

சமச்சீர் பாடத்திட்டம் இல்லை-மத்திய அரசு

இந்தியா முழுமைக்கும் சமச்சீர் பாடத்திட்டத்தைக் கொண்டு வரும் திட்டம் ஏதும் மத்திய அரசிடம் இல்லை என்று மத்திய மனித வள மேம்பாட்டுத் துறை அமைச்சர் கபில் சிபல் தெரிவித்தார். மாநிலங்களவையில் கேள்வி நேரத்தின் போது பேசிய அமைச்சர் கபில் சிபல், இடைநிலை மற்றும் மேல்நிலை கல்வியில் பொது பாடத்திட்டம் கொண்டு வர வேண்டியதன் அவசியத்தை மத்திய கல்வி ஆலோசனை வாரியம் வலியுறுத்தியுள்ளது. குறிப்பாக அறிவியல் மற்றும் கணிதப் பாடங்களில் இதை செய்வதன் மூலம் தொழில்நுட்பக் கல்விகளில் சேர விரும்பும் மாணவர்கள் அனைவருக்கும் சமமான போட்டி வாய்ப்பு அமையும் என்று கூறியுள்ளது. ஆனால் இதை நடைமுறைப்படுத்தும் திட்டம் மத்திய அரசிடம் இல்லை. நாடு முழுவதும் 21 கல்வி வாரியங்கள் இணைந்து இடைநிலை கல்வியில், அறவியல் மற்றும கணிதப் பாடங்களில் பொது பாடத்திட்டத்தை கொண்டு வர இசைந்துள்ளன என்று அவர் தெரிவித்தார். தேசிய கல்விக் கொள்கையானது 2005ம் ஆண்டு தேசிய பாடத்திட்ட வரைவு ஒன்றை பரிந்துரைத்திருந்தது குறிப்பிடத்தக்கது.


தினமலர் சேனல்களுக்கு SUBSCRIBE செய்யுங்கள் !

மேலும் செய்திகள்