அரசு பாலிடெக்னிக்கில் சேர்க்கை துவக்கம்

சென்னை:அரசு பாலிடெக்னிக் கல்லுாரிகளில், இந்த கல்வியாண்டுக்கான மாணவர் சேர்க்கைக்கு, இணையதள வசதியை, உயர்கல்வித் துறை அமைச்சர் கோவி.செழியன் நேற்று துவக்கி வைத்தார்.பின், கோவி.செழியன் பேசியதாவது:பாலிடெக்னிக் சேர்க்கைக்கு விண்ணப்பிக்க, https://tnpoly.in என்ற இணையதளம் தற்போது உருவாக்கப்பட்டுள்ளது. இதில், முதலாம் ஆண்டு, இரண்டாம் ஆண்டு மற்றும் பகுதி நேர பட்டயப் படிப்புகளை படிக்க விரும்பும் மாணவர்கள் விண்ணப்பிக்கலாம். பட்டயப் படிப்பில் சேர, பத்தாம் வகுப்பு தேர்ச்சி, பிளஸ் 1, பிளஸ் 2 தேர்ச்சி பெறாதவர்களும் விண்ணப்பிக்கலாம்.பிளஸ் 2 முடித்த மாணவர்கள் பாலிடெக்னிக்கில் முதலாம் ஆண்டிலும், இரண்டு ஆண்டு ஐ.டி.ஐ., படித்த மாணவர்கள், இராண்டாம் ஆண்டிலும் சேரலாம்.இவ்வாறு அவர் பேசினார்.