தமிழகத்திற்கு இன்னொரு சைனிக் பள்ளி

சென்னை: தமிழகத்தில் ஒரே ஒரு சைனிக் பள்ளி உள்ள நிலையில், மத்திய அரசு புதிதாக ஒரு பள்ளிக்கு அனுமதி அளித்துள்ளது.நாடு முழுதும் 33 சைனிக் பள்ளிகள் செயல்படுகின்றன. தமிழகத்தில், உடுமலைப்பேட்டையை அடுத்த அமராவதி நகரில் ஒரு பள்ளி உள்ளது. கடந்த ஆண்டு நாடு முழுதும் புதிதாக 19 பள்ளிகளுக்கு அனுமதி வழங்கப்பட்டது.இந்த ஆண்டு மூன்று பள்ளி களுக்கு அனுமதி அளிக்கப்பட்டது. அதில், தமிழகத்தின் நாமக்கல் மாவட்டத்திற்கு ஒரு பள்ளிக்கு அனுமதி வழங்கப்பட்டுள்ளது. இதன்படி, நாமக்கல் குடியிருப்பு ஸ்ரீ எஸ்.பி.கே., பப்ளிக் சீனியர் செகண்டரி பள்ளி, சைனிக் பள்ளியாக மாற உள்ளது.