உள்ளூர் செய்திகள்

/ உள்ளூர் செய்திகள் / புதுச்சேரி /   வாகன பேன்சி எண்களுக்கான ஏலம் 17ம் தேதி நடக்கிறது

  வாகன பேன்சி எண்களுக்கான ஏலம் 17ம் தேதி நடக்கிறது

புதுச்சேரி: புதுச்சேரி போக்குவரத்துத் துறையின் வாகன பேன்சி எண்களுக்கான ஏலம் வரும் 17ம் தேதி நடக்கிறது. இது குறித்து புதுச்சேரி போக்குவரத்து ஆணையர் வெளியிட்டுள்ள செய்திக்குறிப்பு; புதுச்சேரி போக்குவரத்து துறையின் பி.ஒய்-05 ஏசி (உழவர்கரை) வரிசையில் உள்ள பேன்சி எண்களை https://parivahan.gov.in/fancy என்ற இணைய தளத்தில் வரும் 17ம் தேதி காலை 11.00 மணி முதல் மாலை 4.30 வரை ஏலம் விட உள்ளது. இந்த ஏலத்தில் பங்கு பெறுவதற்கு தேவையான பெயர் மற்றும் கடவு சொல்லை, https://parivahan.gov.in/fancy இணையதளத்தில் நியூ பப்ளிக் யூசர் மூலமாக இன்று (10ம் தேதி) முதல் வரும் 16ம் தேதி வரை பதிவு செய்து கொள்ளலாம். இவ்வாறு பதிவு செய்தவர்கள், தங்களுக்கு தேவையான எண்களை தெரிவு செய்து, அதற்குண்டான அடிப்படை தொகையை செலுத்த வேண்டும். அடிப்படை தொகையை செலுத்தியவர்கள் மட்டுமே வரும் 17 ம் தேதி நடைபெறும் ஏலத்தில் பங்கு பெறலாம். இந்த மின்னணு ஏலம் முறையில், பங்கு பெற விரும்புவோர், அதற்கான வழிமுறைகள் மற்றும் ஏல நிபந்தனைகளை https://transport.py.gov.inஎன்ற இணைய தள முகவரியில் பார்த்து, பதிவிறக்கமும் செய்து கொள்ளலாம். விண்ணப்பத் தொகையின் விவரம், இ.எம்.டி.,யின் விபரம், ஏல நிபந்தனைகள் குறித்த விவரங்கள் மற்றும் இதர விபரங்கள், போக்குவரத்துத் துறை அலுவலகத்தின் தொலைப்பேசி எண் 0413 - 2280170 மூலம் தெரிந்து கொள்ளலாம். ஒரு குறிப்பிட்ட எண் முன்பதிவு செய்யப்பட்ட வாகனம் அந்த எண்ணை முன்பதிவு செய்த நாளிலிருந்து 90 நாட்களுக்குள் பதிவு செய்ய தவறினால், முன்பதிவு செயலிழந்துவிடும் மற்றும் அவருக்கு ஒதுக்கப்பட்ட எண் அவரது உரிமையை இழந்து விடும். இந்த ஏலம் சம்பந்தப்பட்ட பண பரிவர்த்தனை அனைத்தும் ஆன்லைன் மூலம் இணைய தளம் வாயிலாக மட்டும் பெறப்படும். நேரிலோ மற்றும் காசோலையாகவோ ஏற்கப்படமட்டாது. இவ்வாறு அதில் கூறப்பட்டுள்ளது.


தினமலர் சேனல்களுக்கு SUBSCRIBE செய்யுங்கள் !

முக்கிய வீடியோ