மியாட் மருத்துவமனை சிறப்பு நிபுணர் நாளை விழுப்புரம், கடலுார், புதுச்சேரி வருகை

புதுச்சேரி : சென்னை மியாட் மருத்துவமனை சிறப்பு நிபுணர் நாளை புதுச்சேரி, விழுப்புரம் மற்றும் கடலுாரில் ஆலோசனை வழங்குகிறார்.சென்னை மியாட் மருத்துவமனை சார்பில், கல்லீரல் நோய்கள் மற்றும் கல்லீரல் மாற்று அறுவை சிகிச்சை தொடர்பான பிரச்னைகளுக்கு சிறப்பு மருத்துவர் நாளை 21ம் தேதி விழுப்புரம் ராஜ ராஜேஸ்வரி நகர், ஆர்.ஆர்.எம். காஸ்ட்ரோ சூப்பர் ஸ்பெஷாலிட்டி கிளினிக்கில் காலை 10:00 மணி முதல் 11:00 மணி வரை ஆலோசனை வழங்குகிறார்.தொடர்ந்து கடலுார், மஞ்சக்குப்பம் பிவெல் மருத்துவமனையில் மதியம் 12:00 மணி முதல் மதியம் 1:00 மணி வரையும், புதுச்சேரி மடுவுப்பேட் பிவெல் மருத்துவமனையில் மதியம் 1.30 மணி முதல் மாலை 3.00 மணி வரையும் ஆலோசனை வழங்குகிறார்.முகாமில், கல்லீரல் மாற்று அறுவை சிகிச்சை, கொழுப்பு கல்லீரல், சிரோசிஸ், மஞ்சள் காமாலை, கல்லீரல் புற்றுநோய், ஹெபடைடிஸ் பி அண்டு சி, இரைப்பை குடல் ரத்தப்போக்கு, கணைய பிரச்னைகள் சிகிச்சை அளிக்கப்படுகிறது.வயிற்று வலி (சிரமம், கட்டி) வயிறு வீக்கம், குமட்டல் அல்லது வாந்தி, ரத்தவாந்தி, தோல் மற்றும் கண்கள் மஞ்சள் நிறமாக மாறுதல், ரத்தம் வெளிர், கருப்பு நிற மலம் உள்ளிட்ட அறிகுறி உள்ளவர்கள் ஆலோசனை பெறலாம். இரண்டாவது கருத்தைப் பெற அல்லது வழக்கமான பரிசோதனை செய்ய விரும்புவர்களும் வந்து ஆலோசனை பெறலாம்.முகாமில் பங்கேற்க வரும்போது முந்தைய மருத்துவ பதிவுகள் ஏதேனும் இருந்தால் அவசியம் கொண்டு வர வேண்டும். முகாமிற்கு வர முன் பதிவு அவசியம். முன்பதிவுக்கு 89259 84892 எண்ணில் தொடர்பு கொள்ளலாம்.