எம்.எஸ்சி., - எம்.காம்., பட்டப் படிப்பு விண்ணப்பதாரர் விபரம் வெளியீடு

புதுச்சேரி: காஞ்சி மாமுனிவர் பட்டமேற்படிப்பு மற்றும் ஆராய்ச்சி நிறுவனத்தில் எம்.எஸ்சி., எம்.காம்., பட்டப்படிப்பிற்கு விண்ணப்பித்தவர்களின் விவரங்கள் இணையதளத்தில் வெளியிடப்பட்டுள்ளது. இதுகுறித்து நிறுவன இயக்குநர் விடுத்துள்ள செய்திக்குறிப்பு: புதுச்சேரி காஞ்சி மாமுனிவர் அரசு பட்டமேற்படிப்பு மற்றும் ஆராய்ச்சி நிறுவனத்தில் 2025-26ம் கல்வியாண்டிற்கான முதுகலை பட்டப்படிப்பிற்கு விண்ணப்பித்த, விண்ணப்பதாரர்களின் விபரங்கள், நிறுவனத்தின் இணையதளத்தில் இன்று (8ம் தேதி) பதிவேற்றம் செய்யப்படுகிறது. அதன்படி, எம்.எஸ்சி., கணிதம், விலங்கியல், எம்.காம்., வணிகவியல், நிறுவன செயலாளர் பணி படிப்பிற்கு விண்ணப்பித்தவர்களின் விவரங்களில் ஏதேனும் திருத்தம் இருந்தால், வரும் 11ம் தேதி மாலை 4:00 மணிக்குள் நிறுவனத்தை அணுகி விவரங்களை திருத்திக் கொள்ளலாம் என, தெரிவிக்கப்படுகிறது.