மாற்றுத்திறனாளிகளுக்கு ஸ்கூட்டி வழங்கல்
பாகூர் : பாகூர் தொகுதியை சேர்ந்த மாற்றுத் திறனாளிகளுக்கு, செந்தில்குமார் எம்.எல்.ஏ., ஸ்கூட்டி வழங்கினார்.புதுச்சேரி சமூக நலத்துறை சார்பில், பாகூர் தொகுதியை சேர்ந்த மாற்றுதிறனாளி பயனாளிகளுக்கு ஸ்கூட்டி வழங்கும் நிகழ்ச்சி பாகூரில் நடந்தது. இதில், செந்தில்குமார் எம்.எல்.ஏ., பங்கேற்று, 5 பயனாளிகளுக்கு ஸ்கூட்டியை வழங்கினார்.நிகழ்ச்சியில், சமூக நலத்துறை கண்காணிப்பாளர் திருமுருகன், முதுநிலை எழுத்தர் அன்பரசன், ஊழியர் பிரதாப் மற்றும் பாகூர் தொகுதி தி.மு.க., நிர்வாகிகள் உட்பட பலர் கலந்து கொண்டனர்.