புதுச்சேரி - கடலுார் சாலையில் இன்று போக்குவரத்து மாற்றம்

புதுச்சேரி: புதுச்சேரி - கடலுார் சாலையில் இன்று போக்குவரத்து மாற்றம் செய்யப்பட்டுள்ளது. இதுகுறித்து தெற்கு போக்குவரத்து போலீசார் வெளியிட்டுள்ள செய்திக்குறிப்பு: புதுச்சேரி, நோணாங்குப்பம் பாலத்தில் பராமரிப்பு பணி காரணமாக இன்று இரவு 10:00 மணி முதல் நாளை காலை 6:00 வரை, புதுச்சேரி - கடலுார் சாலையில் போக்குவரத்து மாற்றம் செய்யப்பட்டுள்ளது. அதன்படி புதுச்சேரியில் இருந்து கடலுார் நோக்கி செல்லும் வாகனங்கள் அரும்பாத்தபுரம் பைபாஸ் வழியாகவும், கடலுாரில் இருந்து புதுச்சேரி நோக்கி செல்லும் வாகனங்கள் தவளகுப்பத்தில் திரும்பி பைபாஸ் வழியாக செல்ல அறிவுறுத்தப்படுகிறது இவ்வாறு அதில், கூறப்பட்டுள்ளது.