மொனாகோ செஸ்: ஹம்பி வெற்றி

புதுடில்லி: மொனாகோ ஓபன் செஸ் 7வது சுற்றில் இந்தியாவின் ஹம்பி வெற்றி பெற்றார்.மொனாக்கோவில், பெண்களுக்கான கிராண்ட் பிரிக்ஸ் செஸ் தொடர் நடக்கிறது. இந்தியாவின் கொனேரு ஹம்பி, ஹரிகா உட்பட மொத்தம் 10 பேர் பங்கேற்கின்றனர். இதன் 7வது சுற்றில் இந்தியாவின் ஹம்பி, ஸ்பெயினின் சரசாதத் மோதினர். இதில் வெள்ளை நிற காய்களுடன் விளையாடிய ஹம்பி, 74வது நகர்த்தலின் போது வெற்றி பெற்றார்.மற்றொரு 7வது சுற்றுப் போட்டியில் இந்தியாவின் ஹரிகா, மங்கோலியாவின் பட்குயாக் முன்குந்துால் மோதினர். இதில் ஹரிகா, கறுப்பு நிற காய்களுடன் களமிறங்கினார். விறுவிறுப்பான இப்போட்டி 34வது நகர்த்தலின் போது 'டிரா' ஆனது.ஏழு சுற்றுகளின் முடிவில் ரஷ்யாவின் கேத்ரினா லாக்னோ 4.5 புள்ளிகளுடன் முதலிடத்தில் நீடிக்கிறார். இந்தியாவின் ஹம்பி, மங்கோலியாவின் பட்குயாக், ரஷ்யாவின் அலெக்சாண்ட்ரா தலா 4.0 புள்ளிகளுடன் 2வது இடத்தை பகிர்ந்து கொண்டுள்ளனர். மற்றொரு இந்திய வீராங்கனை ஹரியா 2.5 புள்ளிகளுடன் 10வது இடத்தில் உள்ளார்.