புரோ கபடி: மும்பை அணி வெற்றி

விசாகப்பட்டனம்: புரோ கபடி லீக் போட்டியில் அசத்திய மும்பை அணி, பெங்களூருவை வீழ்த்தியது.இந்தியாவில், புரோ கபடி லீக் 12வது சீசன் நடக்கிறது. இதில் தமிழ் தலைவாஸ், பெங்கால், ஜெய்ப்பூர் உள்ளிட்ட 12 அணிகள் பங்கேற்கின்றன. விசாகப்பட்டனத்தில் நடந்த லீக் போட்டியில் மும்பை, பெங்களூரு அணிகள் மோதின. பெங்களூரு வீரர்களை இரண்டு முறை 'ஆல்-அவுட்' செய்த மும்பை அணி, முதல் பாதி முடிவில் 29-12 என முன்னிலையில் இருந்தது.இரண்டாவது பாதியிலும் ஆதிக்கம் செலுத்திய மும்பை அணி, ஆட்டநேர முடிவில் 48-28 என்ற கணக்கில் வெற்றி பெற்றது. இது, மும்பை அணியின் 3வது வெற்றியானது. பெங்களூரு அணி 'ஹாட்ரிக்' தோல்வியடைந்தது. மும்பை அணிக்கு அஜித் சவுகான் (13 புள்ளி), சதிஷ் கண்ணன் (6), ரிங்கு (5) கைகொடுத்தனர். பெங்களூரு சார்பில் ஆஷிஷ் மாலிக், அலிரெசா தலா 6 புள்ளி பெற்றனர்.