உள்ளூர் செய்திகள்

/ உள்ளூர் செய்திகள் / சென்னை / ஏரியில் குளித்த மாணவன் நீரில் மூழ்கி உயிரிழப்பு

ஏரியில் குளித்த மாணவன் நீரில் மூழ்கி உயிரிழப்பு

திருநின்றவூர்: நண்பருடன் குளித்த பிளஸ் 2 மாணவர், திருநின்றவூர் நத்தமேடு ஏரியில் மூழ்கி பரிதாபமாக உயிரிழந்தார். திருவள்ளூர் மாவட்டம், வேப்பம்பட்டு, கணேஷ் நகரைச் சேர்ந்தவர் கமலநாதன் மகன் தருண், 17; தனியார் பள்ளியில் பிளஸ் 2 சேர இருந்தார். இன்று, பள்ளிகள் திறக்கும் நிலையில், நடுக்குத்தகை பகுதியைச் சேர்ந்த, தன் நண்பர் சரண், 17, என்பவருடன், நத்தமேடு ஏரியில், நேற்று மதியம் குளித்தார். நத்தமேடு, ராணுவ குடியிருப்பு பின்புறமுள்ள ஏரியில் குளித்தபோது, நீச்சல் தெரியாமல் தருண் நீரில் மூழ்கினார். அதிர்ச்சி அடைந்த சரண், அவ்வழியில் சென்றோரிடம் முறையிட்ட நிலையில், அவர்கள் நீரில் மிதந்த தருணின் உடலை மீட்டனர்.  திருநின்றவூர் போலீசார், தருண் உடலை கைப்பற்றி பிரேத பரிசோதனைக்காக, திருவள்ளூர் அரசு மருத்துவமனைக்கு அனுப்பி, விசாரித்து வருகின்றனர்.


தினமலர் சேனல்களுக்கு SUBSCRIBE செய்யுங்கள் !

புதிய வீடியோ