சென்னையில் மின்சார பஸ்கள் இயக்கம்...45 வழித்தடங்கள் :புறநகரையும் சேர்த்து பட்டியல் வெளியீடு

சென்னை:சென்னையில் முதன் முறையான மின்சார பேருந்துகளின் சேவையை, முதல்வர் ஸ்டாலின், நாளை மறுநாள் துவக்கி வைக்க உள்ள நிலையில், அவை இயக்கப்படும் 45 வழித்தடங்கள் குறித்த பட்டியலை, மாநகர போக்குவரத்து கழகம் வெளியிட்டுள்ளத. அதேசமயம், மாநகர பேருந்துகளில் தற்போது வசூலிக்கப்படும் கட்டணமே, மின்சார பேருந்துகளிலும் வசூலிக்கப்படும் எனவும் அறிவிக்கப்பட்டுள்ளது.சென்னையின் எல்லை நாளுக்குள் நாள் விரிவடைந்து வருகிறது. இதனால், பொது போக்குவரத்து சேவையை அதிகப்படுத்த வேண்டியதாகிறது. அந்த வகையில், பயணியர் வசதிக்காக கிளாம்பாக்கத்தில் புதிய பேருந்து நிலையமும் திறக்கப்பட்டு, ஏற்கனவே உள்ள, 3,454 பேருந்துகளுடன் கூடுதல் பேருந்துகளை இயக்க வேண்டிய தேவை ஏற்பட்டுள்ளது.அதனால், தனியார் பங்களிப்போடு சென்னையில், 1,000 மின்சார தாழ்தள பேருந்துகளை இயக்க, மாநகர போக்குவரத்து கழகம் முடிவு செய்தது.முதற்கட்டமாக, 625 மின்சார பேருந்துகளை இயக்க, 'அசோக் லேலண்ட்' நிறுவனத்தின் துணை நிறுவனமான, 'ஓ.எச்.எம்., குளோபல் மொபிலிடி பிரைவேட் லிமிடெட்' நிறுவனத்துடன் ஒப்பந்தம் செய்யப்பட்டது. இதில், 225 'ஏசி' பேருந்துகள், 400 'ஏசி' இல்லாத பேருந்துகள்.இந்த வகை பேருந்துகளின் மின்சார தேவைக்காக, வியாசர்பாடி, பெரும்பாக்கம், தண்டையார்பேட்டை, பல்லவன் இல்லம், பூந்தமல்லி ஆகிய பணிமனைகளில் 100.69 கோடி ரூபாயில் 'சார்ஜிங்' மையங்கள் அமைக்கப்பட்டுள்ளன.முதற்கட்டமாக 120 மின்சார பேருந்துகள், வழித்தடங்களில் இயக்கும் வகையில் தயார் நிலையில் உள்ளன. இந்த புதிய பேருந்துகளை, முதல்வர் ஸ்டாலின், வரும் 30ம் தேதி துவங்கி வைக்க உள்ளார்.சென்னை, புறநகருக்கும் சேர்த்து மின்சார பேருந்துகளை இயக்க, 45 வழித்தடங்கள் தேர்வு செய்யப்பட்டுள்ளன. இதில், 10க்கும் மேற்பட்ட வழித்தடங்களில், மின்சார பேருந்து சேவை முதலில் இயக்கப்படுகிறது.இதுகுறித்து, மாநகர போக்குவரத்து கழக அதிகாரிகள் கூறியதாவது:முதற்கட்டமாக 120 மின்சார பேருந்துகள் இயக்க உள்ளோம். இதற்கான சோதனை ஓட்டமும் முடிந்துள்ளது. தற்போதுள்ள மாநகர சொகுசு, 'ஏசி' பேருந்துகளில் பயணிப்பது போல், இதிலும் பயணிக்கலாம். இதற்காக, எந்தவித கூடுதல் கட்டணமும் வசூலிக்கப்படாது; வழக்கமான கட்டணமே வசூலிக்கப்படும்.ஏற்கனவே உள்ள வழித்தடங்களில், பெரும்பாலான மின்சார பேருந்துகள் இயக்கப்படும். தேவையை பொறுத்து, புதிய வழித்தடங்களில் இயக்கவும் ஆய்வு செய்யப்படும். அடுத்த ஆண்டு இறுதிக்குள் 1,000 மின்சார பேருந்துகளும் பயன்பாட்டிற்குள் கொண்டு வரப்படும்.ஒப்பந்ததாரருக்கு கி.மீ., ஒன்றுக்கு 'ஏசி' வசதி இல்லாத மின்சார பேருந்துகளுக்கு 77.16 ரூபாய், 'ஏசி' பேருந்துகளுக்கு 80.86 ரூபாய் வழங்க, மாநகர போக்குவரத்துக் கழகம் நிர்ணயம் செய்துள்ளது.https://x.com/dinamalarweb/status/1938844369802731645மின்சார பேருந்துகளால் சுற்றுச்சூழல் பாதுகாப்பு மற்றும் நிர்வாகத்துக்கு டீசல் செலவும் குறையும். மின்சார பேருந்துகள் ஒரு முறை சார்ஜிங் செய்தால் 180 கி.மீ., வரை இயக்க இயலும்.இவ்வாறு அவர்கள் கூறினர்.

மின்சார பேருந்துகள் வழித்தடங்கள்

வழித்தடங்கள் பஸ் எண்பிராட்வே - பூந்தமல்லி 54பிராட்வே- கிளாம்பாக்கம் 18ஏஎக்ஸ்கோயம்பேடு-அண்ணாசதுக்கம் 27பிபிராட்வே-செங்குன்றம் 242பிராட்வே-திருநின்றவூர் 71இபிராட்வே-தாம்பரம் மேற்கு ஏ51திருவொற்றியூர் - பூந்தமல்லி 101சுங்கச்சாவடி-திருவான்மியூர் 6டிபிராட்வே - மீஞ்சூர் 56பிதிருவொற்றியூர் - திருவேற்காடு 159திருவொற்றியூர் - திருவான்மியூர் 1கொருக்குப்பேட்டை - வி.இல்லம் 32பிமணலி - பிராட்வே 56டிதிருவொற்றியூர் - சென்குன்றம் 157பூந்தமல்லி-அண்ணாசதுக்கம் 25தி.நகர்-பூந்தமல்லி 154பூந்தமல்லி-செங்குன்றம் 62கிளாம்பாக்கம்-பூந்தமல்லி 66பிமந்தவெளி-பூந்தமல்லி 49எப்பிராட்வே-குத்தம்பாக்கம் 101இபூந்தமல்லி-சுங்குவார்சத்திரம் 578சென்ட்ரல் - திருவான்மியூர் ஏ1பிராட்வே-கோவளம் 109பிராட்வே-கிளாம்பாக்கம் 21ஜிபிராட்வே-காரனோடை 57எப்திருவான்மியூர்-சிறுசேரி ஐ.டி பார்க் 102இகிளாம்பாக்கம்-சோழிங்கநல்லுார் 95ஏக்ஸ் சிடிஅடையார்-சோழிங்கநல்லுார் 99சிடிகிளாம்பாக்கம்-சோழிங்கநல்லுார் 555எஸ்தி.நகர்-திருப்போரூர் 19பிராட்வே-கிளாம்பாக்கம் 102சிஎம்பிடி- கிளாம்பாக்கம் 570பிராட்வே-பெரும்பாக்கம் 102பிதி.நகர்-பெரும்பாக்கம் 19ஏஎக்ஸ்தாம்பரம் மேற்கு-சோழிங்கநல்லுார் 99ஏகிண்டி-பெரும்பாக்கம் 119ஜிஎம்கேபிநகர்-கோயம்பேடு 46ஜிவள்ளலார்நகர்-பெரியபாளையம் 57எக்ஸ்கிளாம்பாக்கம்-கண்ணதாசன்நகர் 170டிஎக்ஸ்வள்ளலார்நகர்-பூந்தமல்லி 37அண்ணாசதுக்கம்-கண்ணதாசன்நகர் 33சிஎக்ஸ்பிராட்வே-கண்ணதாசன்நகர் 64கேவள்ளலார்நகர்-சென்குன்றம் 57திரு.வி.க.நகர்-கிண்டி 170சிமாதவரம் - சென்ட்ரல் 64இபெரம்பூர் - மணலி 164இ

எம்.டி.சி., பேருந்து விபரம்

700வழித்தடங்கள்-3,454பேருந்துகள்-28.70 லட்சம் பேர்தினம் பயணிப்போர்-120 மின்சார பேருந்துகள்தயார் நிலை-