சேது பாஸ்கரா பள்ளி அணி வாலிபால் போட்டியில் அபாரம்

சென்னை:தமிழகத்தில் முதல் முறையாக, பள்ளி அணிகளுக்கான 'பிளேஸ் வாலிபால் லீக்' முதலாவது சீசன் போட்டிகள், சென்னையில் நடக்கிறது. வார இறுதி நாட்களில் போட்டிகள் நடக்கின்றன.இப்போட்டியில், செயின்ட் பீட்ஸ், செயின்ட் மேரீஸ், மாண்ட்போர்டு, டான்பாஸ்கோ,- கொட்டிவாக்கம் ஒய்.எம்.சி.ஏ., -சேது பாஸ்கரா, செயின்ட் பீட்டர்ஸ் என, எட்டு அணிகள் பங்கேற்றுள்ளன.மயிலாப்பூர், செயின்ட் பீட்ஸ் பள்ளி மைதானத்தில், நேற்று முன்தினம் நான்கு 'லீக்' போட்டிகள் நடந்தன. இதில், முதல் 'லீக்' போட்டியில், அம்பத்துார் சேது பாஸ்கரா பள்ளி அணியை எதிர்த்து, மான்போர்டு பள்ளி அணி களமிறங்கியது.போட்டியில் அசத்தலான ஆட்டத்தை வெளிப்படுத்திய சேது பாஸ்கரா அணியினர், 25 - -17, 25- - 17, 25- - 13 என்ற நேர்செட்டில் வெற்றியை சுவைத்தனர்.மற்றொரு 'லீக்' போட்டியில், செயின்ட் மேரீஸ் பள்ளி அணியை எதிர்த்து களமிறங்கிய சேது பாஸ்கரா அணியினர், 25- - 23, 25- - 19, 25 - -20 என்ற நேர்செட்டில் வெற்றி பெற்று அசத்தினர். போட்டிகள் தொடர்ந்து நடக்கின்றன.