இளநீர் விலையில் மாற்றமில்லை

பொள்ளாச்சி;பொள்ளாச்சி, ஆனைமலை தாலுகா பகுதியில், இளநீர் பண்ணை விலை கடந்த வார விலையை ஒப்பிடுகையில் எந்த மாற்றமும் கிடையாது.பொள்ளாச்சி, ஆனைமலை, பகுதியில் இளநீர் உற்பத்தி உள்ளது. இது பல்வேறு பகுதிகளுக்கும் அனுப்பப்படுகிறது.ஆனைமலை இளநீர் உற்பத்தியாளர் சங்கத்தின் தலைமை ஒருங்கிணைப்பாளர் சீனிவாசன் கூறியதாவது:இந்த வாரம், நல்ல தரமான குட்டை நெட்டை வீரிய ஒட்டு இளநீரின் விலை, கடந்த வார விலையுடன் ஒப்பிடுகையில் எந்த மாற்றமும் இன்றி, 37 ரூபாயாக நிர்ணயம் செய்யப்படுகிறது.இதேபோல, ஒரு டன் இளநீரின் விலை, 14,750 ரூபாய் என நிர்ணயம் செய்யப்பட்டுள்ளது. இளநீர் வரத்து, தொடர்ந்து குறைந்து வருகிறது.தேவை அதிகமாக இருப்பதால், இளநீருக்கு கடும் தட்டுப்பாடு நிலவுகிறது. எனவே, குறைந்த விலைக்கு இளநீரை விற்க வேண்டாம்.இவ்வாறு, அவர் கூறினார்.