தினமலர் - பட்டம் மெகா வினாடி - வினா போட்டி; பட்டென பதிலளித்த மாணவர்கள்

பொள்ளாச்சி; 'தினமலர்' நாளிதழ் மாணவர் பதிப்பான, 'பட்டம்' இதழ் மற்றும் சென்னை இன்ஸ்டிடியூட் ஆப் டெக்னாலஜி சார்பில், 'பதில் சொல்; பரிசை வெல்' என்ற, வினாடி - வினா போட்டி, பொள்ளாச்சி மகாலிங்கபுரம் ஆரோக்கியமாதா மெட்ரிக் பள்ளியில் நடந்தது.பள்ளி மாணவர்களுக்கு அறிவியல் ஆய்வுத்திறன், கணிதம், மொழித்திறனை ஊக்குவிக்கும் வகையில், 'தினமலர்' நாளிதழ் மாணவர் பதிப்பு, 'பட்டம்' இதழ் வெளியிடப்படுகிறது. திங்கள் முதல் வெள்ளி வரை, 'பட்டம்' இதழ் தினமும் பள்ளிகளில் கிடைக்கும்.இதை வாசிக்கும் மாணவர்களை உற்சாகப்படுத்தவும், அவர்களின் கற்றல் சார்ந்த தேடலை விரிவுப்படுத்தும் வகையிலும், 2018 முதல், மெகா வினாடி - -வினா போட்டி நடத்தப்படுகிறது. நடப்பாண்டு, வினாடி - -வினா போட்டி, 'பட்டம்' இதழ் மற்றும் சென்னை இன்ஸ்டிடியூட் ஆப் டெக்னாலஜி சார்பில், பொள்ளாச்சி மகாலிங்கபுரம், ஆரோக்கியமாதா மெட்ரிக் பள்ளியில் நடந்தது. எஸ்.எஸ்.வி.எம்., கல்வி நிறுவனமும் கரம் கோர்த்துள்ளது. 'கோ - ஸ்பான்சர்' ஆக சத்யா ஏஜென்சி இணைந்து உள்ளது.பள்ளியில், நேற்று நடந்த போட்டியில், 50 மாணவர்கள் பங்கேற்றனர். அதிக புள்ளிகள் பெற்ற, 16 பேரை, எட்டு அணிகளாக பிரித்து இறுதிச்சுற்று போட்டி நடந்தது. மூன்று கட்டங்களாக நடந்த இப்போட்டியில், முதல் பரிசை, 'ஜி' அணியை சேர்ந்த, 8ம் வகுப்பு மாணவர் அப்னான்தமீஸ், 9ம் வகுப்பு மாணவர் சுப்பிரசன்னா ஜோடி வென்றது.போட்டியில் பங்கேற்ற மாணவ, மாணவியரை பள்ளி தாளாளர் லதா, பள்ளி செயலாளர் ஆட்லின் டென்யா, பள்ளி முதல்வர் ெஹலன் மரியா, துணை முதல்வர் ரோஸ் விக்டர், மற்றும் ஒருங்கிணைப்பாளர் டெய்சி ராணி, ஆசிரியர்கள் பாராட்டி, சான்றிதழ்கள் மற்றும் பதக்கங்களை வழங்கினர்.கோவை, திருப்பூர், நீலகிரி மாவட்டங்களில் இருந்து முன்பதிவு செய்த, 150க்கும் மேற்பட்ட பள்ளிகளை சேர்ந்த மாணவர்கள் இப்போட்டியில் பங்கேற்கின்றனர். முதலிடம் பிடிக்கும் மாணவர்கள், அரையிறுதியில் பங்கேற்பர். இதில் இருந்து எட்டு அணிகள் தேர்வு செய்யப்பட்டு இறுதி போட்டி நடத்தப்படும்.

'பட்டம்' இதழ் சூப்பர்

பள்ளி முதல்வர் ெஹலன்மரியா:ஒவ்வொரு மாணவரின் எதிர்காலம் சிறப்பாக அமைய வேண்டும். அவ்வகையில், அனைத்து துறை சார்ந்த அறிவையும் பள்ளிக் குழந்தைகள் பெறும் வகையில், 'தினமலர்' பட்டம் இதழ் உள்ளது. அறிவியல், கணிதம், பொது அறிவு சார்ந்த அரிய பல விஷயங்கள் மட்டுமின்றி, தினந்தோறும் நடக்கும் நாட்டு நடப்புகளையும் தெரிந்துகொள்ள முடிகிறது. கற்கும் ஒவ்வொரு விஷயம் சார்ந்து விசாலமான அறிவை பெற்றுக் கொள்ள வேண்டும். நிறைய படிக்க வேண்டும் என்ற ஆர்வத்தை துாண்டுகிறது.

அரிய தகவல்களின் பொக்கிஷம்

மாணவர் சுப்பிரசன்னா: 'தினமலர் - பட்டம்' இதழ், பொது அறிவு களஞ்சியமாக விளங்குகிறது. தொடர்ந்து, பட்டம் படிப்பதால், விசாலமான அறிவை பெற்றுக் கொள்ள முடியும். பாட புத்தகத்தில் இல்லாத பல அரிய தகவல்களை தெரிந்து கொள்ள உதவுகிறது. ஒவ்வொரு முறையும் புதிதாக படிப்பதை போல் ஆர்வம் ஏற்படுகிறது. இறுதி போட்டியில் வெல்வதே லட்சியம். தொடர்ந்து பட்டம் படித்து, வினாடி - வினா போட்டிக்கு தயாராகிறேன்.