ஐந்தாவது டிவிஷன் கிரிக்கெட்: அப்பாசாமி அணி வீரர் சதம்

கோவை: கோவை மாவட்ட கிரிக்கெட் சங்கம்(சி.டி.சி.ஏ.,) சார்பில் ஐந்தாவது டிவிஷன் போட்டி எஸ்.ஆர்.ஐ.ஐ., பி.எஸ்.ஜி., உள்ளிட்ட மைதானங்களில் நடக்கிறது. சீஹாக்ஸ் கிரிக்கெட் கிளப் அணியும், அப்பாசாமி கிரிக்கெட் கிளப் அணியும் மோதின. சீஹாக்ஸ் கிரிக்கெட் கிளப் அணியினர், 44.2 ஓவரில் அனைத்து விக்கெட்களையும் இழந்து, 161 ரன் எடுத்தனர். வீரர்கள் ஜெரிஸ், 50, ரஞ்சித் குமார், 44 ரன் எடுத்தனர். எதிரணி வீரர் வெங்கடேஷ் ஐந்து விக்கெட் வீழ்த்தினார். அப்பாசாமி கிரிக்கெட் கிளப் அணியினர், 35.1 ஓவரில் இரு விக்கெட் இழப்புக்கு, 164ரன் எடுத்து வெற்றி பெற்றனர். வீரர் பிரபு, 104 ரன்கள் எடுத்து அணியினர் வெற்றிக்கு வழிவகுத்தார். தொடர்ந்து போட்டிகள் நடக்கின்றன.