மின் கம்பி உரசியதால் வைக்கோல் எரிந்து சேதம்

ஸ்ரீமுஷ்ணம் : டிராக்டரில் ஏற்றி வந்த வைக்கோல் மீது மின்கம்பி உரசியதால் தீ பிடித்து சேதமானது.சேத்தியாத்தோப்பு, மேட்டு தெருவைச் சேர்ந்தவர் ரமேஷ், 30; இவர், நேற்று ஸ்ரீமுஷ்ணம் அடுத்த எம்.பி.அக்ரஹாரத்தைச் சேர்ந்த கண்ணன் என்பவரிடம் 60 கட்டு வைக்கோல் வாங்கி தனது டிராக்டர் டிரெய்லரில் ஏற்றிக் கொண்டு ராங்கியம் கிராமத்திற்கு சென்றார்.ஸ்ரீமுஷ்ணம் - விருத்தாசலம் சாலையில் டிராக்டர் வந்த போது சாலையோரத்தில் உள்ள மின் கம்பி உரசியதில் வைக்கோல் தீப்பிடித்து எரிந்தது.தகவலறிந்த தீயணைப்பு வீரர்கள் சம்பவ இடத்திற்கு சென்று தீயை அணைத்தனர். இருப்பினும் வைக்கோல் முழுதும் எரிந்து சேதமானது. ஸ்ரீமுஷ்ணம் போலீசார் விசாரிக்கின்றனர்.