விருதை அரசு பெண்கள் பள்ளியில் தினமலர் - பட்டம் இதழ் வழங்கல்

விருத்தாசலம் : விருத்தாசலம் அரசு பெண்கள் மேல்நிலைப் பள்ளி மாணவிகளுக்கு 'தினமலர் - பட்டம்' இதழ் வழங்கும் நிகழ்ச்சி நடந்தது.பள்ளி மாணவ, மாணவிகளின் வாசிப்பு திறனை மேம்படுத்தவும், நாட்டு நடப்புகள், அறிவியல் கண்டுபிடிப்புகள், விஞ்ஞான வளர்ச்சி, தற்போதைய தொழில்நுட்ப மேம்பாடு உள்ளிட்ட அறிவியல் தகவல்களை மாணவர்களுக்கு எளிதில் புரியும் வகையில், 'தினமலர் - பட்டம்' இதழ் திங்கள் முதல் வெள்ளி வரை வெளியிடப்பட்டு வருகிறது.அந்த வகையில், விருத்தாசலம் அரசு பெண்கள் மேல்நிலைப் பள்ளியில் மாணவிகளுக்கு, தி.மு.க., சுற்றுச்சூழல் அணி மற்றும் எம்.கே.எஸ்., லேண்ட் புரொமோட்டார்ஸ் சார்பில் 'தினமலர் - பட்டம்' இதழ் வழங்கும் நிகழ்ச்சி நேற்று நடந்தது. தலைமை ஆசிரியர் செல்வி வரவேற்றார். சுற்றுச்சூழல் அணி மாவட்ட தலைவரும், எம்.கே.எஸ்., லேண்ட் புரொமோட்டார்ஸ் உரிமையாளருமான சுரேஷ், மாணவிகளுக்கு பட்டம் இதழ் வழங்கி, 'அனைவரும் அதிக மதிப்பெண்ணுடன் தேர்ச்சி பெற்று, வாழ்க்கையில் முன்னேற்ற வேண்டும்' என்றார். உதவி தலைமை ஆசிரியர் காயத்ரி, ஆசிரியர்கள் கோவிந்தராஜ், மேரி நிர்மலா, தி.மு.க., சுற்றுச்சூழல் அணி மாவட்ட துணை அமைப்பாளர் சுரேஷ் உடனிருந்தனர்.