பா.ஜ., உறுப்பினர் சேர்க்கை ஆலோசனை கூட்டம்

பாலக்கோடு: தர்மபுரி மாவட்டம், பாலக்கோடு பட்டாளம்மன் கோவில் வளா-கத்தில், பா.ஜ., நிர்வாகிகள் ஆலோசனை கூட்டம் மாநில பொதுக்குழு உறுப்பினர் குணா தலைமையில் நேற்று நடந்தது. இதில், சட்டசபை தொகுதி இணைபொறுப்பாளர்கள் சங்கீதா, கலைச்செல்வன், நகர தலைவர் கணேசன், நலத்திட்ட பிரிவு மாவட்ட துணைத்தலைவர் சிவா ஆகியோர் முன்னிலை வகித்-தனர். இதில், வரும், 2026 சட்டசபை தேர்தலை முன்னிட்டு, உறுப்பினர் சேர்க்கை குறித்து ஆலோசிக்கப்பட்டது. மேலும், வீடு வீடாக சென்று, பாரத பிரதமரின் சாதனைகளை விளக்கி பேச, வேண்டும். திண்ணை பிரசாரம், தெருமுனை பிரசாரம் செய்தல் உள்ளிட்டவை குறித்து ஆலோசிக்கப்பட்டது. இதில், ஒன்றிய தலைவர்கள் கணேசன், சிவநாதன், கருணாகரன், ஒன்றிய பொறுப்பாளர் கருணாகரன் உட்பட பலர் கலந்து கொண்டனர்.