மாணவ, மாணவியருக்கு விலையில்லா சைக்கிள்
அரூர்: அரூர் அடுத்த சிட்லிங் அரசு மேல்நிலைப் பள்ளியில், விலையில்லா சைக்கிள் வழங்கும் நிகழ்ச்சி நடந்தது. இதில், அரூர், அ.தி.மு.க., - எம்.எல்.ஏ., சம்பத்குமார், 207 மாணவ, மாணவியருக்கு சைக்கிள்களை வழங்கினார். அதே போல், நரிப்பள்ளி அரசு மேல்நிலைப்பள்ளியில், 178 பேருக்கும், வேப்பம்பட்டி அரசு மேல்நிலைப்பள்ளியில், 55 பேருக்கும், சம்பத்குமார் எம்.எல்.ஏ., சைக்கிள்களை வழங்கினார்.நிகழ்ச்சியில், ஒன்றிய செயலாளர் பசுபதி, சிவன், தலைமையாசிரியர்கள் மற்றும் ஆசிரியர்கள் கலந்து கொண்டனர்.