உள்ளூர் செய்திகள்

/ உள்ளூர் செய்திகள் / திண்டுக்கல் /  மழையின்றி போக்கு காட்டும் மேகமூட்டம்

 மழையின்றி போக்கு காட்டும் மேகமூட்டம்

செம்பட்டி:செம்பட்டி, தர்மத்துப்பட்டி, வீரக்கல் பகுதியில் நான்கு நாட்களாக மழையின்றி மேகமூட்டம் மட்டுமே நீடிப்பதால் விவசாயிகள் ஏமாற்றத்தில் உள்ளனர். சித்தையன்கோட்டை, அக்கரைப்பட்டி, மல்லையாபுரம், வேலக்கவுண்டன்பட்டி, வண்ணம்பட்டி பகுதிகளில் விவசாயிகள் கோடை சாகுபடிக்கான ஆயத்தப் பணிகளில் ஈடுபட்டுள்ளனர். பெரும்பாலான இடங்களில் உழவுப் பணிகளை முடித்து கோடை மழையை எதிர்நோக்கி உள்ளனர். வெப்பச்சலன மழை தொடர்பான அறிவிப்பு சில வாரங்களாக தொடர்ந்த போதும் இப்பகுதிகளில் குறிப்பிடத்தக்க மழை இல்லை.பகலில் வெயிலின் தாக்கம் அதிகரித்துள்ள சூழலில் அவ்வப்போது மேகமூட்டம் மட்டுமே காணப்படுகிறது. நான்கு நாட்களாக மாலை நேரத்தில் லேசான சில நிமிட துாறல் மட்டுமே நீடிக்கிறது.


தினமலர் சேனல்களுக்கு SUBSCRIBE செய்யுங்கள் !

முக்கிய வீடியோ