அரசு ஊழியர்கள் தர்ணா

ஈரோடு :தமிழ்நாடு அரசு ஊழியர் சங்கம் சார்பில், ஈரோடு மாவட்ட தலைவர் ரமேஷ் தலைமையில், ஈரோடு தாலுகா அலுவலக வளாகத்தில் தர்ணா போராட்டம் நடந்தது. நிர்வாகிகள் ராக்கிமுத்து, சசிகலா, சுரேஷ், விஜயமனோகரன் கோரிக்கை குறித்து பேசினர்.ஓய்வூதிய நிதி ஆணையத்தை களைந்திட வேண்டும். என்.பி.எஸ்., - யூ.பி.எஸ்., திட்டத்தில் செலுத்தப்பட்ட தொகைகளை அந்தந்த மாநிலங்களிடம் ஒப்படைக்க வேண்டும். அனைத்து சந்தாதாரர்களையும் இ.பி.எஸ்.,-95ன் கீழ் வரையறுக்கப்பட்ட ஓய்வூதியத்தில் கொண்டு வர வேண்டும். எட்டாவது ஊதியக்குழுவை அமைக்க வேண்டும். ஐந்தாண்டுகளுக்கு ஒரு முறை ஊதிய மாற்றம் என்பதை உறுதிப்படுத்த வேண்டும். பறிக்கப்பட்ட தொழிலாளர் நலச்சட்டங்களை திரும்ப வழங்க வலியுறுத்தி ஆர்ப்பாட்டத்தில் ஈடுபட்டனர்.