பிளேஸ் வாலிபால் போட்டி செயின்ட் பீட்டர்ஸ் வெற்றி

சென்னை : மாநிலத்தில் முதல் முறையாக, 'பிளேஸ் வாலிபால் லீக்' முதலாவது சீசன் போட்டிகள், சென்னையில் பல்வேறு பள்ளிகளில் நடந்து வருகின்றன.இந்த சீசனில் செயின்ட் பீட்ஸ், செயின்ட் மேரீஸ், மான்ட்போர்டு, டான்பாஸ்கோ, ஏ.ஜே.எஸ்., -கொட்டிவாக்கம் ஒய்.எம்.சி.ஏ.,- சேது பாஸ்கரா, செயின்ட் பீட்டர்ஸ் என, எட்டு அணிகள் பங்கேற்றுள்ளன.'லீக்' முறையில், ஒவ்வொரு வாரமும் வெவ்வேறு பள்ளிகளில், போட்டிகள் நடக்கின்றன. புயல் மழையால் போட்டிகள் ஒத்திவைக்கப்பட்டன. நேற்று சாந்தோம், செயின்ட் பீட்ஸ் பள்ளி வளாகத்தில், 55வது 'லீக்' போட்டி நடந்தது. அதில், ராயபுரம் செயின்ட் பீட்டர்ஸ் பள்ளி மற்றும் அம்பத்துார் சேது பாஸ்கரா பள்ளி அணிகள் மோதின. விறுவிறுப்பான போட்டியில், 25 - 21, 25 - 14, 19 - 25 என்ற கணக்கில், செயின்ட் பீட்டர்ஸ் அணி வெற்றி பெற்றது. இதுவரை நடந்த அனைத்து 'லீக்' ஆட்டங்கள் முடிவில், புள்ளிகள் அடிப்படையில் தேர்வாகும் அணிகள், இன்று முதல் நடக்கும் அரையிறுதி ஆட்டங்களில்பங்கேற்க உள்ளன.