சீரான விலையில் வெற்றிலை விற்பனை

சீரான விலையில் வெற்றிலை விற்பனைகிருஷ்ணராயபுரம், :கிருஷ்ணராயபுரம் பகுதியில், சீரான விலையில் வெற்றிலை விற்பனை நடந்து வருகிறது.கிருஷ்ணராயபுரம் ஒன்றியத்திற்கு உட்பட்ட லாலாப்பேட்டை, கள்ளப்பள்ளி, கருப்பத்துார், பிள்ளபாளையம், வல்லம், கொம்பாடிப்பட்டி, மகிளிப்பட்டி, திருக்காம்புலியூர் ஆகிய பகுதிகளில் விவசாயிகள் வாய்க்கால் பாசன முறையில் வெற்றிலை சாகுபடி செய்து வருகின்றனர். வெற்றிலைகள் பறிக்கப்பட்டு லாலாப்பேட்டை, கிருஷ்ணராயபுரம் பகுதிகளில் செயல்படும் வெற்றிலை கமிஷன் மண்டிகளில் கொண்டு வந்து, விவசாயிகள் விற்பனை செய்து வருகின்றனர்.தற்போது பொங்கல் பண்டிகையை முன்னிட்டு, வெற்றிலை சீரான விலையில் விற்பனை செய்யப்படுகிறது. 100 கவுளி கொண்ட ஒரு மூட்டை, 4,000 ரூபாய்க்கு விற்கப்படுகிறது. மொத்தமாக வாங்கும் வியாபாரிகளால் சில்லரை விற்பனையாக தரம் பிரித்து கரூர், திருச்சி, தஞ்சாவூர், நாகப்பட்டினம், திருவாரூர் பகுதிகளில் கொண்டு சென்று விற்கப்படுகிறது.