புகளூர் அரசு மேல்நிலைப்பள்ளி கால்பந்து போட்டியில் சாதனை

கரூர்:புகளூர், அரசு ஆண்கள் மேல்நிலைப்பள்ளி தொடர்ந்து மூன்று ஆண்டுகளாக கால்பந்து போட்டியில் வெற்றி பெற்று சாதனை படைத்துள்ளது. கரூர் வருவாய் மாவட்ட அளவிலான, மாணவர்களுக்கான கால்பந்து போட்டி, எம்.குமாரசாமி பொறியியல் கல்லுாரியில் நடந்தது. -19 வயது பிரிவில் முதல் போட்டியில் பள்ளப்பட்டி மேல்நிலைப்பள்ளி அணியையும், இரண்டாம் போட்டியில் மவுண்ட் கிரிஸ் அய்யர்மலை அணியையும் வென்றது. இறுதி போட்டியில், பி.ஏ., வித்யாபவன் மேல்நிலைப் பள்ளியை, 2-0 என்ற கோல் கணக்கில் வீழ்த்தி, முதல் இடத்தை பெற்று, புகளூர் அரசு ஆண்கள் மேல்நிலைப்பள்ளி மாணவர்கள் சாதனை படைத்தனர்.மாணவர்களை, தமிழ்நாடு உடற்கல்வி ஆசிரியர் மற்றும் இயக்குனர் சங்க மாவட்ட தலைவர் மகாமுனி மற்றும் குணா, கதிர், மணிகண்டன், உடற்கல்வி ஆசிரியர்கள் பாராட்டினர்.