முட்டை விலை தொடர் சரிவு

நாமக்கல், :நாமக்கல்லில் தேசிய முட்டை ஒருங்கிணைப்புக்குழு கூட்டம், நேற்று நடந்தது. அதில், முட்டை உற்பத்தி, மார்க்கெட்டிங் நிலவரம் குறித்து பண்ணையாளர்கள் விவாதித்தனர்.இதையடுத்து, 500 காசுக்கு விற்ற முட்டை விலை, 20 காசு குறைத்து, 480 காசாக நிர்ணயம் செய்யப்பட்டது. இரண்டு நாட்களில், 35 காசு சரிந்துள்ளது, பண்ணையாளர்களை கவலை அடைய செய்துள்ளது.நாட்டின் பிற மண்டலங்களில் முட்டை விலை (காசுகளில்) நிலவரம்: சென்னை, 550, ஐதராபாத், 480, விஜயவாடா, 505, பர்வாலா, 432, மும்பை, 540, மைசூரு, 645, பெங்களூரு, 545, கோல்கட்டா, 545, டில்லி, 452 என, நிர்ணயம் செய்யப்பட்டுள்ளது.நாமக்கல்லில், நேற்று நடந்த பண்ணையாளர், வியாபாரிகள் ஒருங்கிணைப்புக் குழு கூட்டத்தில், முட்டைக்கோழி ஒரு கிலோ, 87 ரூபாய், பல்லடத்தில் நடந்த உற்பத்தியாளர் ஒருங்கிணைப்பு குழுக்கூட்டத்தில், கறிக்கோழி ஒரு கிலோ, மூன்று ரூபாய் அதிகரித்து, 109 ரூபாய்க்கு விற்பனை செய்யப்பட்டது.