ரஸ்தாளி வாழைத்தார் ரூ.350க்கு விற்பனை

கிருஷ்ணராயபுரம்: கிருஷ்ணராயபுரம் யூனியனுக்குட்பட்ட லாலாப்பேட்டை, கள்ளப்பள்ளி, கருப்பத்துார், கொம்பாடிப்பட்டி, வல்லம், வீரவள்ளி, வீரகுமாரன்பட்டி, பொய்கைப்புத்துார், திருக்காம்புலியூர், திம்மாச்சிபுரம், வதியம் ஆகிய இடங்களில் விவசாயிகள் வாழை சாகுபடி செய்து வருகின்றனர். விளைந்த வாழைத்தார்களை அறுவடை செய்து, லாலாப்பேட்டை வாழைக்காய் ஏல கமிஷன் மண்டியில் கொண்டுவந்து விற்பனை செய்து வருகின்றனர். இதில் பூவன் வாழைத்தார், 300 ரூபாய், ரஸ்தாளி, 350 ரூபாய், கற்பூரவள்ளி, 200 ரூபாய் என்ற விலையில் விற்பனை செய்யப்பட்டது. தைப்பூசத்தை முன்னிட்டு, தார் ஒன்றுக்கு, 50 ரூபாய் விலை உயர்ந்து விற்பனை செய்யப்பட்டதாக வியாபாரிகள் தெரிவித்தனர்.