ரூ.4.13 லட்சத்துக்கு நலத்திட்ட உதவி வழங்கல்

கரூர், கரூர் தான்தோன்றிமலையில், உங்களுடன் ஸ்டாலின் திட்ட முகாம் நடந்தது. கலெக்டர் தங்கவேல் தலைமை வகித்தார். இங்கு, வருவாய்துறை சார்பில், 7 பேருக்கு வருமானச் சான்று, பிறப்பிட சான்று உள்ளிட்ட சான்றிதழ்களையும், கூட்டுறவு துறையின் சார்பில், 5 பேருக்கு, 4.13 லட்சம் ரூபாய் மதிப்பீட்டில் கால்நடை பராமரிப்பு கடனுதவிகளும், மாநகராட்சியின் சார்பில், 5 பேருக்கு புதிய சொத்துவரி விதிப்பு மற்றும் சொத்துவரி பெயர் மாற்றத்திற்கான ஆணைகளையும் என மொத்தம், 17 பேருக்கு, 4.13 லட்சம் ரூபாய் மதிப்பீட்டில் நலத்திட்ட உதவிகள் வழங்கப்பட்டன.முகாமில் மாநகராட்சி மேயர் கவிதா, துணை மேயர் சரவணன், மாநகராட்சி கமிஷனர் சுதா, மண்டலக்குழு தலைவர் கனகராஜ் உள்பட பலர் பங்கேற்றனர்.