நாமக்கல் என்.சி.எம்.எஸ்.,சில் ரூ.89 லட்சத்திற்கு பருத்தி ஏலம்

நாமக்கல்,:நாமக்கல் வேளாண் உற்பத்தியாளர்கள் கூட்டுறவு விற்பனை சங்கத்தில், 89 லட்சம் ரூபாய்க்கு பருத்தி ஏலம் நடந்தது.நாமக்கல்- - திருச்செங்கோடு சாலையில் செயல்படும் வேளாண் உற்பத்தியாளர்கள் கூட்டுறவு விற்பனை சங்க வளாகத்தில், வாரந்தோறும் செவ்வாய்கிழமை பருத்தி ஏலம் நடக்கிறது. அதன்படி, நேற்று நடந்த ஏலத்தில் நாமக்கல் மற்றும் பல்வேறு மாவட்டங்களை சேர்ந்த விவசாயிகள், 3,200 பருத்தி மூட்டைகளை விற்பனைக்கு கொண்டுவந்திருந்தனர். ஆர்.சி.எச்., ரக பருத்தி குவிண்டால், 7,269 ரூபாய் முதல் 8,100 ரூபாய்; கொட்டு மட்ட ரகம், 4,155 ரூபாய் முதல் 5,369 ரூபாய் என, மொத்தம், 89 லட்சம் ரூபாய்க்கு விற்பனையானது.