ரூ.1.79 லட்சத்திற்கு கொப்பரை வர்த்தகம்

மல்லசமுத்திரம் திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் வாரந்தோறும் வெள்ளிக்கிழமை, கொப்பரை தேங்காய் ஏலம் நடந்து வருகிறது. அதன்படி, நேற்று நடந்த ஏலத்தில் கொசவம்பாளையம், ராமாபுரம், பருத்திப்பள்ளி, வேலணம்பாளையம், கருங்கல்பட்டி, சூரியகவுண்டம்பாளையம், மங்களம், மேல்முகம், பீமரப்பட்டி உள்ளிட்ட பகுதிகளை சேர்ந்த விவசாயிகள், 60 கிலோ எடைகொண்ட, 29 மூட்டை கொப்பரை தேங்காயை விவசாயிகள் விற்பனைக்கு கொண்டு வந்தனர். இதில், முதல் தரம் கிலோ, 155.75 ரூபாய் முதல், 193.70 ரூபாய்; இரண்டாம் தரம், 130.75 ரூபாய் முதல், 150.75 ரூபாய் என, மொத்தம், 1.79 லட்சம் ரூபாய்க்கு கொப்பரை தேங்காய் ஏலம் நடந்தது. அடுத்த ஏலம் வரும், 30ல் நடக்கிறது.