ரூ.4.20 லட்சத்திற்கு கொப்பரை வர்த்தகம்

மல்லசமுத்திரம், திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் வாரந்தோறும் வெள்ளிக்கிழமை, கொப்பரை தேங்காய் ஏலம் நடக்கிறது.அதன்படி, நேற்று நடந்த ஏலத் தில் சூரியகவுண்டம்பாளையம், ராமாபுரம், பருத்திப்பள்ளி, கொளங் கொண்டை, திம்மிபாளையம், பள்ளிப்பட்டி, மேல்முகம், பீமரப்பட்டி, மங்களம், கரட்டுவளவு, பள்ளக்குழி உள்ளிட்ட பகுதிகளை சேர்ந்த விவசாயிகள், 51 மூட்டை கொப்பரை தேங்காயை விற்பனைக்கு கொண்டு வந்திருந்தனர்.இதில், முதல் தரம் கிலோ, 195.70 ரூபாய் முதல், 233.70 ரூபாய், இரண்டாம் தரம், 185.50 ரூபாய் முதல், 193 ரூபாய் என, மொத்தம், 4.20 லட்சம் ரூபாய்க்கு கொப்பரை தேங்காய் ஏலம் நடந்தது. கடந்த வாரம், 2.71 லட்சம் ரூபாய்க்கு விற்ற நிலையில், தற்போது, வரத்து அதிகரிப்பால், 4.20 லட்சம் ரூபாய்க்கு விற்பனையானது குறிப்பிடத்தக்கது. அடுத்த ஏலம் வரும், 27ல் நடக்கிறது.