ரூ.5.32 லட்சத்திற்கு கொப்பரை வர்த்தகம்

மல்லசமுத்திரம், திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் வாரந்தோறும் வெள்ளிக்கிழமை கொப்பரை தேங்காய் ஏலம் நடக்கிறது. அதன்படி, நேற்று நடந்த ஏலத்தில் சூரியகவுண்டம்பாளையம், மங்களம், பீமரப்பட்டி, மேல்முகம், பள்ளக்குழி அக்ரஹாரம், கொளங்கொண்டை, பள்ளிப்பட்டி, ராமாபுரம், பருத்திப்பள்ளி, கருங்கல்பட்டி, மரப்பரை உள்ளிட்ட பகுதிகளை சேர்ந்த விவசாயிகள், 60 கிலோ எடை கொண்ட, 67 மூட்டை கொப்பரை தேங்காயை விற்பனைக்கு கொண்டு வந்திருந்தனர்.இதில், முதல் தரம் கிலோ, 191 ரூபாய் முதல், 250.75 ரூபாய், இரண்டாம் தரம், 175 ரூபாய் முதல், 205.60 ரூபாய் என, மொத்தம், 5.32 லட்சம் ரூபாய்க்கு ஏலம் நடந்தது. கடந்த வாரம், 4.75 லட்சம் ரூபாய்க்கு விற்ற நிலையில், இந்த வாரம் வரத்து அதிகரிப்பால் விற்பனை அதிகரித்துள்ளது. அடுத்த ஏலம் வரும், 11ல் நடக்கிறது.