ரூ.4.50 லட்சத்திற்கு பருத்தி வர்த்தகம்

மல்லசமுத்திரம், திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் வாரந்தோறும் புதன்கிழமை பருத்தி ஏலம் நடக்கிறது.அதன்படி, நேற்று நடந்த ஏலத்தில் சூரியகவுண்டம்பாளையம், ராமாபுரம், பருத்திப்பள்ளி, கருங்கல்பட்டி, சோமணம்பட்டி, மாரம்பாளையம், மரப்பரை, மங்களம், சின்னகாளிப்பட்டி, பள்ளக்குழி அக்ரஹாரம், கரட்டுவலவு, மேல்முகம், பீமரப்பட்டி, செண்பகமாதேவி உள்ளிட்ட பல்வேறு பகுதிகளை சேர்ந்த விவசாயிகள், தலா, 60 கிலோ எடைகொண்ட, 193 மூட்டை பருத்தியை விற்பனைக்கு கொண்டு வந்திருந்தனர்.இதில், பி.டி., ரகம் குவிண்டால், 6,211 ரூபாய் முதல், 7,499 ரூபாய்; கொட்டு பருத்தி, 4,405 ரூபாய் முதல், 5,405 ரூபாய் என, 4.50 லட்சம் ரூபாய்க்கு வர்த்தகமானது. கடந்த வாரம், 3.50 லட்சம் ரூபாய்க்கு விற்பனையான நிலையில், நேற்று வரத்து அதிகரிப்பால் விற்பனை அதிகரித்தது. அடுத்த ஏலம் வரும், 2ல் நடக்கிறது.