நாமக்கல் மண்டலத்தில் முட்டை விலை விர்ர்...

நாமக்கல், நாமக்கல்லில், தேசிய முட்டை ஒருங்கிணைப்புக்குழு கூட்டம், நேற்று நடந்தது. அதில், முட்டை உற்பத்தி, மார்க்கெட்டிங் நிலவரம் குறித்து பண்ணையாளர்கள் விவாதித்தனர். இதையடுத்து, 570 காசுக்கு விற்ற முட்டை விலை, 5 காசு உயர்த்தி, 575 காசாக நிர்ணயம் செய்யப்பட்டது. தொடர்ந்து முட்டை கொள்முதல் விலை உயர்ந்து வருவதால், பண்ணையாளர்கள் மகிழ்ச்சியடைந்துள்ளனர். நாட்டின் பிற மண்டல முட்டை விலை(காசுகளில்) நிலவரம்:சென்னை, 630, ஐதராபாத், 555, விஜயவாடா, 575, பர்வாலா, 517, மும்பை, 615, மைசூரு, 620, பெங்களூரு, 615, கோல்கட்டா, 635, டில்லி, 540 என, நிர்ணயம் செய்யப்பட்டுள்ளது.நாமக்கல்லில், நேற்று நடந்த பண்ணையாளர்கள், வியாபாரிகள் ஒருங்கிணைப்புக்குழு கூட்டத்தில், முட்டைக்கோழி ஒரு கிலோ, 99 ரூபாய், கறிக்கோழி ஒரு கிலோ, 98 ரூபாயாக நிர்ணயம் செய்யப்பட்டது.