மகா கும்பாபிஷேக விழா யாகசாலை பூஜை தொடக்கம்

குமாரபாளையம்: குமாரபாளையம், திருவள்ளுவர் நகரில் உள்ள மங்களாம்பிகை உடனமர் மகேஸ்வரர் கோவில் மகா கும்பாபிஷேக விழாவையொட்டி, நேற்று யாகசாலை பூஜை துவங்கியது.குமாரபாளையம், திருவள்ளுவர் நகர் பகுதியில் உள்ள மங்களாம்பிகை உடனமர் மகேஸ்வரர், ஸ்ரீதேவி, பூதேவி சமேத சவுந்தர்ராஜ பெருமாள், பஞ்சமுக மகா வீர ஆஞ்சநேயர் கோவில் புனராவர்த்தன மகா கும்பாபிஷேக விழா நடந்து வருகிறது. நேற்று முன்தினம், பவானி சங்கமேஸ்வரர் கோவில் காவிரி ஆற்றிலிருந்து தீர்த்தக்குடம் எடுத்து வரப்பட்டது. நேற்று மாலை, ஸ்ரீமத் பரமஹம்சேத் யாதி ஸ்ரீரங்கபராங்குச பரகால நம்பி ராமானுஜ ஜீயர் சுவாமிகளின் ஆன்மிக சொற்பொழிவு நடந்தது. மாரியம்மன் கோவிலில் இருந்து முளைப்பாரி அழைத்து வருதல், முதல்கால யாகசாலை பூஜை நடந்தது. இன்று, இரண்டாம், மூன்றாம் கால யாகசாலை பூஜை, ஞானசம்பந்தம் தலைமையில் பட்டிமன்றம் நடக்க உள்ளது. நாளை காலை, 6:00 மணிக்கு, மகா கும்பாபிஷேக விழா நடக்கிறது. ஏற்பாடுகளை விழாக்குழுவினர் செய்து வருகின்றனர்.