ஏற்றம் காணும் முட்டை விலை

நாமக்கல் நாமக்கல்லில், தேசிய முட்டை ஒருங்கிணைப்புக்குழு கூட்டம், நேற்று நடந்தது. அதில், முட்டை உற்பத்தி, மார்க்கெட்டிங் நிலவரம் குறித்து பண்ணையாளர்கள் விவாதித்தனர். இதையடுத்து, 510 காசுக்கு விற்பனை செய்யப்பட்ட முட்டை விலை, 5 காசு உயர்த்தி, 515 காசாக நிர்ணயம் செய்யப்பட்டது. கொள்முதல் விலை, இரண்டு நாட்களில், 10 காசு அதிகரித்துள்ளது குறிப்பிடத்தக்கது.நாட்டின் பிற மண்டல முட்டை விலை(காசுகளில்) நிலவரம்: சென்னை, 570, ஐதராபாத், 515, விஜயவாடா, 550, பர்வாலா, 524, மும்பை, 580, மைசூரு, 570, பெங்களூரு, 565, கோல்கட்டா, 615, டில்லி, 560 என, நிர்ணயம் செய்யப்பட்டுள்ளது.நாமக்கல்லில், நேற்று நடந்த பண்ணையாளர், வியாபாரிகள் ஒருங்கிணைப்புக்குழு கூட்டத்தில், ஒரு கிலோ, முட்டைக்கோழி, 120 ரூபாய்க்கும், பல்லடத்தில் நடந்த உற்பத்தியாளர் ஒருங்கிணைப்புக்குழு கூட்டத்தில், ஒரு கிலோ கறிக்கோழி, 97 ரூபாய்க்கும் விற்பனை செய்யப்பட்டது.