ரூ.3.60 லட்சத்துக்கு பருத்தி விற்பனை

நாமக்கல்: நாமக்கல் -- திருச்செங்கோடு சாலையில் செயல்படும், வேளாண் உற்பத்தியாளர்கள் கூட்டுறவு விற்பனை சங்க வளாகத்தில், நேற்று பருத்தி ஏலம் நடந்தது. நாமக்கல் உள்ளிட்ட பல்வேறு மாவட்டங்களை சேர்ந்த விவசாயிகள், 170 பருத்தி மூட்டைகள் விற்பனைக்கு கொண்டு வந்தனர்.அதில், ஆர்.சி.ஹெச்., ரக பருத்தி குவிண்டால், 7,099 ரூபாய் முதல் 7,399 ரூபாய்க்கும்; கொட்டு மட்ட ரகம், 4,799 ரூபாய் முதல் 5,299 ரூபாய்க்கும் விற்பனை செய்யப்பட்டது. நேற்று நடந்த ஏலத்தில், 170 மூட்டை பருத்தி, 3.60 லட்சம் ரூபாய்க்கு விற்பனையானது. திருச்சி, சேலம், ஈரோடு, கரூர், திருப்பூர், கோவை மாவட்டங்களை சேர்ந்த வியாபாரிகள் ஏலம் எடுத்தனர்.