வாழையில் மதிப்பு கூட்டு பொருள் மலைவாழ் விவசாயிகளுக்கு பயிற்சி

நாமகிரிப்பேட்டை: வாழை, வாழை நாரில் மதிப்பு கூட்டு பொருள் தயாரிக்க, மலைவாழ் விவசாயிகளுக்கு பயிற்சி அளிக்கப்பட்டது.தமிழக பழங்குடியினர் நலத்துறை மற்றும் தேசிய வாழை ஆராய்ச்சி மையம் ஆகியவை சார்பில், நேற்று நாமகிரிப்-பேட்டை ஒன்றியம், பெரியசெக்கடியில் ஒருநாள் பயிற்சி திட்ட துவக்க விழா நடந்தது. பழங்குடியினர் நலத்துறை திட்ட அலுவலர் ராமசாமி வரவேற்றார்.கலெக்டர் துர்கா மூர்த்தி தலைமை வகித்தார். பழங்குடியினர் துறை இயக்குனர் அண்ணாதுரை, தேசிய வாழை ஆராய்ச்சி நிலைய இயக்குனர் செல்வராஜன் ஆகியோர் பேசினர்.முன்னதாக அமைச்சர் மதிவேந்தன் குத்துளவிக்கேற்றி, விழாவை தொடங்கி வைத்தார். தொடர்ந்து, வாழை, வாழை நாரில் செய்-யப்பட்ட பொருட்களின் கண்காட்சியை பார்வையிட்டார். வாழை ரகங்கள், வாழை நாரில் இருந்து செய்யப்படும் பொருட்கள், அதற்கான வியாபார வாய்ப்புகள், அதன் மூலம் கிடைக்கும் வருவாய், அரசு மானிய கடன், இடம் வசதி, ஏற்றுமதி வாய்ப்-புகள் உள்ளிட்டவை குறித்து விவசாயிகளுக்கு விளக்கமளிக்கப்-பட்டது.