இலவச மருத்துவ முகாம்; 130 பேருக்கு சிகிச்சை

குன்னுார்; குன்னுார் ஜெகதளாவில் இலவச மருத்துவ முகாம் நடந்தது.நீலகிரி சேவா கேந்திரம்; நங்க படுகர் பேரவை; ஜெகதளா ஸ்போர்ட்ஸ் கிளப்; கோவை பி.ஆர்.ஜே., ஆர்தோ சென்டர் மற்றும் எம்.ஏ.கே., மருத்துவமனை சார்பில், ஜெகதளா கிராமத்தில் இலவச மருத்துவ சிகிச்சை முகாம் நடந்தது. எலும்பு, மூட்டு, பல் உட்பட பொது மருத்துவ பரிசோதனைகள் நடந்தன. ஆர்தோ டாக்டர் சதீஷ்குமார் தலைமையிலான மருத்துவ குழுவினர் சிகிச்சை அளித்தனர். கிராமத்தை சேர்ந்த, 130 பேர் சிகிச்சை பெற்றனர். மருந்துகளும் இலவசமாக வழங்கப்பட்டது. சேவா கேந்திர பொறுப்பாளர்கள் ரஞ்சித் சண்முகம், சரவணன் விஸ்வநாதன், நங்க படுகர் பேரவை தலைவர் சுர்ஜித் உட்பட பலர் பங்கேற்றனர்.